Yoko Ono. Half-A-Wind Show. Atzera begirakoa
Mozte-lana (Cut piece), 1964/65
Denok gara ur (We all are water), 2006
Iruzkinak
Zeru-telebista (Sky TV), 1966/2014
- Izenburua:
- Zeru-telebista (Sky TV), 1966/2014
- Erakusketa:
- Yoko Ono. Half-A-Wind Show. Atzera begirakoa
- Gaiak:
- Artea eta teknologia | Sorkuntza artistikoa | Sormena | Lan-prozesua | Ingurunea eta natura
- Artelan motak:
- Bideoinstalazioa
- Aipatutako artistak:
- Ono, Yoko
Zuzeneko irudiekin inoiz egindako lehen bideo instalazioetako bat duzu aurrean. Zeru-telebista du izena. Areto baten kanpoaldean bideo-kamera bat jarri eta zeruaren zuzeneko irudiak galeria barruko telebista batean eskaini zituzten.
Lan goiztiarra eta erradikala da honako hau. 1966an egin zutenean, bideo-zintarik ez zegoen oraindik eta telebistako saio guztiak konpainia komertzialek kontrolatzen zituzten. Irudiak zuzenean emateak eskaintzen dituen aukera artistikoak orduantxe hasi ziren ageriko bihurtzen.
Yoko Ono-ren artean, zerua ohiko motiboa da eta hirurogeiko hamarkadako hainbat lanetan azaltzen da. Hemen ordea, erdigunean dago. Onok, zeruak zuen garrantziari buruz hizketan, azaldu zuen Tokion gerra-garaiko umea zela, eta mendi-aldera eraman zutela bonbengandik ihesi. Bertan zerura begira-begira egoten zen, teilatuko irekidura batetik, eta, jatekorik ez zeukatenez, nebarekin “airetik” menuak trukatzen zituen, asmamen-indarra bizirauteko erabiliz. Anekdota horrek erakusten du Onok umetatik aurkitu duela naturan eta inguratzen duen munduan oihartzun poetikoa eta artistikoa.