Barroko neurrigabea. Cattelan-etik Zurbarán-era
Sarrera
Juergen Teller, Paradisua XII. zk. (Paradis XII), 2009
Iruzkinak
Pieter Aertsen, Haragi postua, 1551–55
- Izenburua:
- Pieter Aertsen, Haragi postua, 1551–55
- Erakusketa:
- Barroko neurrigabea. Cattelan-etik Zurbarán-era
- Gaiak:
- Kolorea | Erlijio-margoa | Natura hila | Espiritualtasuna | Kristautasuna | Neurrigabekeria | Emozioa
- Mugimendu artistikoak:
- Barrokoa
- Teknikak:
- Olio-pintura
- Artelan motak:
- Pintura
- Aipatutako artistak:
- Aertsen, Pieter
Saltxitxa lodien sortak, txahal atalak, txerri zatiak... denak daude gordinki, tonu gorrixketan margotuak. Zaila da gure begiak haragizko irudikapen horretatik aldentzea. Hala ere, Pieter Aertsen pintore nederlandarraren margolan honetan, erakarpena eta nazka uztartzen zaizkigu. Txerri-belarriak gezi batzuen modukoak dira, eta gure begirada atzealdean dagoen miniaturazko eszenara doa. Zurezko arkuaren azpian, erdian, Familia Santua ageri da Egiptora bidean, Herodes erregearengandik ihesi. Maria asto baten gainean doa. Eskuetan, ogi-zati biribila du, eskale bati emateko prest. Atzealdeko paisaia delikatua estilo neurritsuan dago margotua. Kontrastea bizia da aurrealdeko harakinaren postuarekin. Banaketa horrek irudia are interesgarriago bihurtzen du; izan ere, eszenen antolamenduaren zergatiaz pentsarazten digu. Lehen ikusian, Aertsenen margolanak bizimodu arruntaren eta landatarraren erakuslea dirudi. Baina arretaz begiratuz gero, kristau sinbolismoz betea dagoela ohar gaitezke. Tabernako eszena ustelak, irudiaren eskuinaldean, Bibliako parabola bat birsortzen du, Seme Iriolearena. Aertsenen artelana natura hil mota berezi bat da, “aldentzarizko” izenekoa. Natura hilaren aurrealdeko osagai zaporetsuek margolanaren gai nagusian dute iturria, alegia, Mariak pobreei limosna emate horretan. Paradoxa da eszena hori hain oharkabekoa egitea, hondora zokoratzea. Nahiz eta margolana modu horretan antolatu, helburua elikadura espirituala sustatzea da, gorputzarentzako janariaren gainetik. Margolan honetan, Aertsenek neurrigabekeriaren eta haragikoitasunaren aurka ohartarazten gaitu; baina, asmo hori betezeko, bietan murgildu egin zen, gai erlijioso bat lantzeak barkamena ziurtatzen zion eta.