Barroko neurrigabea. Cattelan-etik Zurbarán-era
Diana Thater, Txernobil (Chernobyl), 2010
Iruzkinak
Marilyn Minter: Cheshire (Wangechi), 2011; Heavy Metal, 2011; Merkurioa (Mercury), 2011; Urtzea (Meltdown), 2011
- Izenburua:
- Marilyn Minter: Cheshire (Wangechi), 2011; Heavy Metal, 2011; Merkurioa (Mercury), 2011; Urtzea (Meltdown), 2011
- Erakusketa:
- Barroko neurrigabea. Cattelan-etik Zurbarán-era
- Gaiak:
- Bizitza | Argazkigintza | Artea eta pertzepzioa | Esperimentazio artistikoa | Argia | Konposizioa | Sinbologia | Edertasuna
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Minter, Marilyn
Marilyn Minterren irudi hiperrealistek ikusleari atsegina ematen diote, eta, aldi berean, aztoratu egiten dute. Ume itzel bat jolasean ari da, pintura grisarekin plisti-plasta. Minterrek umea erabili egiten du bilaketa baten ikur bihur dadin, gozamenaren bilaketarena. Takoi garestiak zipriztin artean dabiltza, eta emakume baten ahoari ura dario, eta distiratsu ageri da, nolabait irri bihurri baten eta keinu baten artean. Irudiak bizitza baino handiagoak dira, eta argazki komertzialak ekartzen ditu gogora. Baina publizitatean agertzen den perfekzioaren ordez, Minterren irudiek edertasun akastuna dute, eta aldatuak izan dira. Arreta handiagoz begiratuz gero, pintzelkadak eta hatz markak ikus daitezke: artistaren eskuaren arrastoak.
Artelan hauen oinarri diren argazkiak beirazko manpara baten atzean hartu ziren. Subjektuak plisti-plasta eta zipriztintzen ibili ziren likido batekin; nahasketa bat zen: glizerina, vodka eta pastela egiteko hauts grisa. Sortzen duen inpresioa desitxuratua da, beste mundu batekoa balitz bezala. Formak ia abstraktu bihurtu dira. Azken irudiak ederrak eta beldurgarriak dira aldi berean. Minter honela mintzatu da bere lanaz:
Sortzen saiatzen naizen irudia zerena da: begiratzean sentitzen denarena. Ikuspegi freskoa eman nahi dut, zirraragarria; gure arreta pizten duen zerbait; bisualki oso joria den zerbait, era askotako irakurketak egiten utziko dizuna, eta edukien gainean zeure istorioak eta tradizioak gainerateko. Gauza batzuekin, gaindituta sentitzen zara; beste batzuekin, aldiz, arinduta. Etengabe ari naiz momentu transzendental horren bila.