Barroko neurrigabea. Cattelan-etik Zurbarán-era
Nathalie Djurberg eta Hans Berg, Neure burua bakarrik ikusi nuen (I Found Myself Alone), 2008
Albert Oehlen
Iruzkinak
Oscar Tuazon, Zenbakiak (Numbers), 2012
- Izenburua:
- Oscar Tuazon, Zenbakiak (Numbers), 2012
- Erakusketa:
- Barroko neurrigabea. Cattelan-etik Zurbarán-era
- Gaiak:
- Gizakia | Artea eta espazioa | Eragin artistikoa | Bolumena | Geometria | Sinbologia | Materialak
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Tuazon, Oscar
Tuazonen lanetan, baita beste artista gazte batzuen lanetan ere, ikus dezakegu joera bat dagoela gizakiari eta giza bizitzari buruzko galderak egiteko eta horien erantzunak bilatzeko.
Oscar Tuazonek zenbait elementuz egindako eskultura bat sortu du. Eskulturaren oinarriaren tamaina, 120 x 120 x 240 zentimetro, bat dator gela txiki batek (esaterako dutxek eta telefono-kabinek) Estatu Batuetan izan dezakeen gutxieneko neurri estandarrarekin. Erabilitako materialak ezagunak egiten zaizkigu gure eguneroko hiri bizitzatik: burdinazko barra arrunt angeludunak; eta kristalezko panelak, torlojuz lotuak, barrukoa ikusten uzten digutenak, edo barrura sartzea oztopatzen digutenak.
Tuazonek horrelako eraikuntzak egiteko, gorputz batek mugitzean hartzen duen lekua kontuan izaten du. Espazioan lan egiten du era gordinean, bortitzean, eta, neurri batean, eskasean. Aldi berean, bere lanek ezaugarri poetikoak dituzte. Bi iturritatik edaten du artelanak egiteko, hots, bai duela gutxiko eskulturaren historiatik, bai 1970eko hamarkadako kontrakulturatik. Ideia espekulatibo edo utopikoetatik ere edaten du, batez ere, honako gai hauen inguruko horrelako ideietatik: etxebizitza, bizirik irauteko estrategiak eta “babeslekuak”.