Barroko neurrigabea. Cattelan-etik Zurbarán-era
Albert Oehlen
Cornelis Saftleven, San Anton-en tentaldia, 1629 ingurukoa
Iruzkinak
Alessandro Magnasco, Fraideak sutondo inguruan, 1725 ingurukoa Pieter van Laer (Il Bamboccio), Flagelanteak, 1635 ingurukoa, eta Inauterien ospakizunak taberna batean, 1635 ingurukoa
- Izenburua:
- Alessandro Magnasco, Fraideak sutondo inguruan, 1725 ingurukoa Pieter van Laer (Il Bamboccio), Flagelanteak, 1635 ingurukoa, eta Inauterien ospakizunak taberna batean, 1635 ingurukoa
- Erakusketa:
- Barroko neurrigabea. Cattelan-etik Zurbarán-era
- Gaiak:
- Sorkuntza artistikoa | Iluntasuna | Kolorea | Konposizioa | Sinbologia | Eszena-generoa | Morala | Herri-kultura | Beldurra
- Mugimendu artistikoak:
- Barrokoa
- Teknikak:
- Olio-pintura
- Artelan motak:
- Pintura
- Aipatutako artistak:
- Magnasco, Alessandro | van Laer, Pieter
Alessandro Magnascoren margolanak barroko berantiarrekoak dira, pinturan gaua eta iluntasuna nagusitu ziren garaikoak. Magnascoren irudipen ilunetan, pertsonaia goibelak bizi dira: eskaleak, bidelapurrak eta kapadun kleroko kideak. Arin egindako pintzelkada urduriek irudi aztoratzaileak sortzen dituzte. Fraideak sutondo inguruan artelana eszena fantasmagorikoetako bat da. Monasterio bateko jantokia erakusten du; gai horretan, besteak beste, berezitu zen Magnasco. Haren estilo azkar eta berezia tarteko, batzuen ustez, espresionisten aitzindaria izan zen.
Areto honetan ere erakusgai dugu Magnascoren beste lan bat, Galdeketa espetxean izenekoa. Margolan horretan irudikatu egiten da inkisizioak sortutako izua eta beldurra, Jainkoaren izenean torturatzen zuenean. Espekulazio ugari izan da horren gainean, alegia, artista inkisizioa gaitzesten ari ote zen ala behatzaile neutrala ote zen —esan izan da, baita, agian inkisidoreak gogoko zituela—.
Areto honetako Pieter Jacobsz van Laerren Flagelanteak ere beste adibidea bat da, Kontrarreforman zabaldutako aldarte tristearena. Margolanak ohitura baten berri ematen du, garai horretan gorakada izaten ari zena, hau da, nork bere burua zigortzea, jendaurreko penitentzia modura. Horren aurkakotzat har daiteke, artista beraren Inauterien ospakizunak taberna batean lana, areto honetan ere ikusgai dagoena. Izan ere, inauteriek zilegizko aukera ematen zuten arauak hausteko.