Barroko neurrigabea. Cattelan-etik Zurbarán-era
Paul McCarthy, Edurne Zuri eta Mututxu, zura (White Snow and Dopey, Wood), 2011
Nathalie Djurberg eta Hans Berg, Neure burua bakarrik ikusi nuen (I Found Myself Alone), 2008
Iruzkinak
Simon Vouet, Europaren bahiketa, 1640 ingurukoa
- Izenburua:
- Simon Vouet, Europaren bahiketa, 1640 ingurukoa
- Erakusketa:
- Barroko neurrigabea. Cattelan-etik Zurbarán-era
- Gaiak:
- Emakumea artean | Gizontasuna | Pertsonaia mitologikoak | Artea eta emozioa | Eragin artistikoa | Argia | Kolorea | Grina | Lizunkeria
- Mugimendu artistikoak:
- Barrokoa
- Teknikak:
- Olio-pintura
- Artelan motak:
- Pintura
- Aipatutako artistak:
- Vouet, Simon
Antzinatik, usadiozkoa izan da Europaren bahiketa margotzea: irudikapen horietan zezen itxurako Zeusek bahitzen du Europa. Simon Vouet artista frantziarrak uste zuenez, mitologian, sexuen arteko lizunkeria eta desioa gizakion jokabideari atxikita daude. Eta bere margolan honetan indar hori oso modu nabarmenean ageri da. Artelanaren ardatz nagusia Europaren bular biluzia dugu. Haren ezker eskuarekin girlandaz apaindutako zezenaren ezker adarra laztantzen ari da. Piztiaren burua bere desiraren objekturantz biratu da. Zezenak begirada lizuna du, eta Europaren haragi biluzian jarria du arreta. Zezena ezpainak miazkatzen ari da eta ahotik lerdea dario. Ipuinaren bertsio hau, Europaren bahiketarena, Ovidioren Metamorfosian dago oinarritua.
Zezenaren itxura txotxolotua eta jarrera, ia emakume batena dirudiena, pixka bat barregarriak dira; izan ere, horren bidez Zeusen maskulinotasuna zalantzan jartzen ari da artista. Vouetek pinturaren zirrara indartu egin zuen, izan ere, modu trebean erabili zituen bai argia bai tonu-aldaketak; horren adibide ditugu margolanaren atzealde iluna eta aurrealde koloretsura. Zezenak larru distiratsu dotorea du, zuri-zuria. Europaren irudikapena, aldiz, hain da delikatua non ia-ia gardena ematen duen. Badirudi Voueten interesa desiraren izaera betierekoa zela, sedukzioaren eta tentazioaren joko xarmagarria. Bi sexuak berdin-berdin dira partaide, eta bi sexuak erortzen dira tentaldian.