Barroko neurrigabea. Cattelan-etik Zurbarán-era
Simon Vouet, Europaren bahiketa, 1640 ingurukoa
Oscar Tuazon, Zenbakiak (Numbers), 2012
Iruzkinak
Nathalie Djurberg eta Hans Berg, Neure burua bakarrik ikusi nuen (I Found Myself Alone), 2008
- Izenburua:
- Nathalie Djurberg eta Hans Berg, Neure burua bakarrik ikusi nuen (I Found Myself Alone), 2008
- Erakusketa:
- Barroko neurrigabea. Cattelan-etik Zurbarán-era
- Gaiak:
- Luxua | Umorea | Neurrigabekeria | Erotismoa | Beldurra | Ametsak | Arrazakeria | Indarkeria | Umorea
- Mugimendu artistikoak:
- Arte Garaikidea
- Teknikak:
- Laukiz-lauki
- Artelan motak:
- Bideoartea
- Aipatutako artistak:
- Djurberg, Nathalie
Nathalie Djurberg artista suediarrak film hau sortu zuen, alegia, Neure burua bakarrik aurkitu nuen, Kaliforniako museo batean artista egoiliar modura egon ondoren. Djurbergek murgildu egiten gaitu gozamenezko ametsezko eszena sentsualetan. Filma artistaren erantzuna da Kalifornian emandako denboran aurkitu zuen kulturaren aurrean. Arrazismoari heltzen dio; baita bertan aurkitu zuen giroari ere. Filmak dantzari beltz baten dantza delikatua jarraitzen du: bere gogoetan bildua, mugitzen ari da frutazko tarta koloretsu askoren artean eta kandeladun portzelanazko zutargi altuen artean. Azkenean, dantzari txikiak argizariz beteta amaitzen du, eta ito egiten da merenge, krema eta azukre-geruzen artean, gehiegikeriaren ondorioz. Artistak eszena barroko bat sortu du, luxuz eta ugaritasunez betea, finean figuratxo delikatua menderatzen duena.
Nathalie Durbergek nahita saihestu ditu goi-teknologiako efektuak. Eta figurak honako osagai hauez modelatzen ditu: plastilinaz, alanbrez, oihalez eta ile artifizialaz. Prozesu luzea da eta emaitza landua. Djurbergek pertsonaiak modatik pasatako animazio-teknika erabilita sortzen ditu, stop-frame edo “laukiz lauki” teknika, hain zuzen. Kontatzen dituen istorioetan beldurra eta umorea uztartzen dira, eta haurrentzako moduko panpinak indarkeria, perbertsioa, erasoak, botere-nahia eta heriotza nagusi diren mundu batean murgilarazten ditu.
Filmaren soinu-banda Hans Bergek egin zuen. Djurbergekin elkarlanean aritzen da haren film guztietan.