Barroko neurrigabea. Cattelan-etik Zurbarán-era
Oscar Tuazon, Zenbakiak (Numbers), 2012
Alessandro Magnasco, Fraideak sutondo inguruan, 1725 ingurukoa
Pieter van Laer (Il Bamboccio), Flagelanteak, 1635 ingurukoa, eta Inauterien ospakizunak taberna batean, 1635 ingurukoa
Iruzkinak
Albert Oehlen
- Izenburua:
- Albert Oehlen
- Erakusketa:
- Barroko neurrigabea. Cattelan-etik Zurbarán-era
- Gaiak:
- Gizakia | Artea eta teknologia | Sorkuntza artistikoa | Kolorea | Materiala | Dualtasuna | Emozioa | Pertzepzioa | Subjektibotasuna
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Oehlen, Albert
Albert Oehlen artista alemanaren tamaina handiko margolanek kutsu kezkagarria dute. Akuilatu egiten gaituzte galderak egitera, aro digitalaren iraultzan errealitateaz dugun iritzia eman dezagun. Oehlenen ustez, margotzearen ekintza bera gai bat da bere horretan. Bere lana zalantzaz eta aldaketaz betea dago. Bere artelanak sortzeko, pintzelak, hatzak, collagea eta ordenagailu bidezko irudiak erabiltzen ditu. Oraingo honetan, Oehlenek ordenagailu bidez sortutako irudiak eta inprimatutako materialak erabili ditu, eta orbanez eta pintzelkadez estali. Irudiak nahasten doaz harik eta garbi ez dagoen arte zein zati den ordenagailu bidez sortua eta zein zati den artistaren eskuak sortua. Hortaz, zalantzan jartzen du: gizakiak egindakoaren eta makinak egindakoaren arteko, objektiboaren eta subjektiboaren arteko, eta abstraktuaren eta figuratiboaren arteko bereizketa egin dezakegun. Bere margolanak jolasean ari dira arte-adierazpenari buruzko gure ideiekin. Ohelenek honako hau esan du bere ordenagailu bidezko margolanez:
Metodo hori landu nuenean, zerbait ironikoa gertatu zen: pinturen testura dela eta, garaiko ordenagailuekin egin zitekeena datorkizu burura. Ordenagailu batetik espero duzuna da bakarrik egiterik izango ez zenukeen zerbaitetan laguntzea. Nolabait, leiho bat irekitzen du etorkizunari begira. Baina nire ordenagailu bidezko margolanek kontrakoa egiten dute. Iraganari begirakoak baitira: pixelak zuzentzen saiatu nintzen, eta, finean, eskuz margotu behar izan nuen: eskuz margotutakoa da azken emaitza. Atzera martxa modukoa da. Lanok ez daude etorkizunari begira; aitzitik, etorkizunetik iraganera begira daude. Eta ordenagailuak ez zidan lagundu; ni ari nintzen ordenagailuari laguntzen.