Barroko neurrigabea. Cattelan-etik Zurbarán-era
Glenn Brown, Munduko baztertua (Nigger of the World), 2011
Robert Crumb, Komiki klasiko bat (A Klassic Komic), 1981
Iruzkinak
Bartolomeo Passerotti, Maitale eroak, d. g.
- Izenburua:
- Bartolomeo Passerotti, Maitale eroak, d. g.
- Erakusketa:
- Barroko neurrigabea. Cattelan-etik Zurbarán-era
- Gaiak:
- Gizakia | Karikatura | Itsustasuna | Herri-kultura | Satira | Erotismoa | Lizunkeria | Satira
- Mugimendu artistikoak:
- Barrokoa
- Teknikak:
- Olio-pintura
- Artelan motak:
- Pintura
- Aipatutako artistak:
- Passerotti, Bartolomeo
Bartolomeo Passerottiren Maitale eroak izugarri itsusia da, eta makurki erotikoa. Aldi berean, ordea, erakargarria da: atsegina gertatzen da, xehetasun asko baititu. Errenazimentu garaian edertasun eta proportzio-ereduak finkatu ostean, karikatura eta distortsio groteskoa pintura-estilo beregain bihurtu ziren. Giza itxurari buruzko azterlan barrokoetan, kanpoko itxura pertsonaren barruan ezkutatzen diren ezaugarriekin lotzen da. Nobleziaren eta hiriko klase ertainaren eguneroko bizimoduak ez zuen zerikusirik landa-giroko nekazari xumeen bizimoduarekin. Hala ere, gehiegizko itsustasunaren irudikapenak asko hedatu ziren gizarte-klase guztietan, eredu fisiko klasikoari aurka egiteko. Barroko garaiko gizartean, gorputzarekiko harremana zalantzan jarri zen, bereziki sexualitate eta erotismoarekikoa. Horretarako, bi muturren artean mugitu zen Barrokoko gizartea: giza moralarena eta haragi-apeta lizun basatiena. Passerottiren artelanean, baratxuriaren, tipulen, okelaren eta ogiaren irudi nahiz forma libertinoak hiztegi erotiko baten zati modura har daitezke. Bereziki harrigarriak dira azal iluneko esklaboen karikaturak, koadroaren atzealdean gehituak. Dena den, Passerottiren margolaneko distortsio irrigarriak eta itxura barregarriak ez dute ezinbestean esan nahi nekazariak barregarri utzi nahi zituenik. Satira lizuna ere erabiltzen zen gizarte mailen arteko alde bidegabeak azpimarratzeko.