Barroko neurrigabea. Cattelan-etik Zurbarán-era
Juergen Teller, Paradisua XII. zk. (Paradis XII), 2009
Maurizio Cattelan, Titulurik gabea, 2007, eta Titulurik gabea, 2007
Iruzkinak
Dana Schutz
- Izenburua:
- Dana Schutz
- Erakusketa:
- Barroko neurrigabea. Cattelan-etik Zurbarán-era
- Gaiak:
- Giza gorputza | Artea eta emozioa | Interpretazioa | Eragin artistikoa | Argia | Kolorea | Pertzepzioa | Sentimenduak | Irudikapena
- Mugimendu artistikoak:
- Arte Garaikidea
- Teknikak:
- Olio-pintura
- Artelan motak:
- Pintura
- Aipatutako artistak:
- Schutz, Dana
Dana Schutz artista estatubatuar gaztearen margolan hauek asmatutako unibertso xelebre eta basatietara eramaten gaituzte. Kezkagarriak eta mundu honetatik kanpokoak diren espazio edo munduetan murgiltzen gaituzte. Schutzek irudimenezko figurak sortzen eta irudikatzen ditu, baina egiazko jendea ere sartzen du tartean —hemen eta orain—, eta egoera bitxietan jartzen. Bere lanaz honako hau esan du:
Margolanak kulunkan daude pintura-generoen artean. Natura hilak pertsonifikatu egiten dira, erretratuak gertaera bihurtzen dira eta paisaiak, aldiz, eraikuntza. Gaia osatzen eta desegiten den tarteko lekua gogoko dut, gaia itxuraduna eta itxuragabea, bizigabea eta biziduna den tarte hori… Nahiz eta margolanak bereziki narratiboak ez izan, sistemak eta egoerak asmatzen ditut sarri, informazioa sortzeko. Egoera horiek espazio bat taxutzen dute; bertan, sorkuntza premia bat da, publikoa ez da existitzen, objektuak beren egitekotik harantzago doaz eta errealitatea malgua da.
Dana Schutzen margolanetan arraroa dena senezkoa denarekin uztartzen da; horrez gain, artearen historia erabiltzen du ispilu psikologiko modukoa izan dadin. Artistaren esanetan, 2007ko Nola dantzatuko genuke (How We Would Dance) margolanean, atzeraka makurtzen ageri den dantzariaren iturria Caravaggioren San Pedroren gurutziltzaketa artelana da, hain zuzen, santuaren irudia, etzanik dagoela.