Barroko neurrigabea. Cattelan-etik Zurbarán-era
Maurizio Cattelan, Titulurik gabea, 2007, eta Titulurik gabea, 2007
Francisco de Zurbarán, Herkules bidea ixten Alfeo ibaiari, 1634. Christian van Couwenbergh, Genero eszena “Beltzaren bortxaketa” izenez ezaguna, 1632
Iruzkinak
Giovanni Battista Langetti, Epaminondas hilzorian, XVII. mendea
- Izenburua:
- Giovanni Battista Langetti, Epaminondas hilzorian, XVII. mendea
- Erakusketa:
- Barroko neurrigabea. Cattelan-etik Zurbarán-era
- Gaiak:
- Giza gorputza | Heriotza | Gizontasuna | Mitologia | Pertsonaia mitologikoak | Artea eta erlijioa | Eragin artistikoa | Argia | Kolorea | Konposizioa | Mugimendua | Espiritualtasuna
- Mugimendu artistikoak:
- Barrokoa | Tenebrismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Langetti, Giovanni Battista
XVII. mendeko Giovanni Battista Langetti artista italiarraren margolan honetan, Epaminondas buruzagi tebastarraren heriotza irudikatzen da. Langettik modu zuzena eta gordina erabili zuen gutxitan irudikatutako gai hori lantzeko. Espartarrak garaitu berri zituela, lantza batek Epaminondas hil zuen. Paradoxa-momentua da irudikatukoa, eta hura azpimarratzeko gorputzaren kokaera erabili zuen artistak. Margolanaren muina bere subjektua baino harantzago doa. Konposizioak gure arreta Epaminondasen bular-kaxako zauri sakonera bideratzen du; eta haren erraietara; baita haren tendoi eta muskulu uzkurtuetara ere; bere gorputza oraindik bizirik dago, nahiz eta minez iraulkatzen egon. Bere ezker eskuan lantza hilgarria du Epaminondasek. Eskuin eskuaren hatzekin, aldiz, egin dioten zauria ukitzen ari da. Badirudi sinesgogor ageri dela, bere burua konbentzitu nahian bere heriotza saihestezina dela. Badirudi bihozkada duela, alegia, nahiz eta garaipena lortu, bere heriotzak Tebaseko gainbehera ekarriko duela.
Langettiren pintura-estiloa paregabea da. Trebea zen argiztapen dramatikoa erabiltzen (tenebristen argi-ilunak), emaitza indartsuak lortzeko. Artistaren lanetan idealismoa eta errealismoa uztartzen ziren, eta sarri emaitza basatia eta krudela zen.