Barroko neurrigabea. Cattelan-etik Zurbarán-era
Melchior de Hondecoeter, Hegaztiak, d.g
Marilyn Minter: Cheshire (Wangechi), 2011; Heavy Metal, 2011; Merkurioa (Mercury), 2011; Urtzea (Meltdown), 2011
Iruzkinak
Diana Thater, Txernobil (Chernobyl), 2010
- Izenburua:
- Diana Thater, Txernobil (Chernobyl), 2010
- Erakusketa:
- Barroko neurrigabea. Cattelan-etik Zurbarán-era
- Gaiak:
- Artea eta gizartea | Artea eta komunikabideak | Sorkuntza artistikoa | Iluntasuna | Malenkonia | Bakardadea | Beldurra
- Mugimendu artistikoak:
- Arte Garaikidea
- Artelan motak:
- Bideoinstalazioa
- Aipatutako artistak:
- Thater, Diana
Diana Thaterren bideo-instalazio handia Txernobili eskainita dago: 1986ko apirilaren 26an gertatu zen hondamendiari, zentral nuklearraren 4. blokean. Gaur egun, Txernobil erradioaktibitate gehien duen tokietako bat da munduan. Hamabost minutuko filma paretaren gainean proiektatzen da. Irudi estugarriak erakusten dira, Ukrainako Pripyat hirikoak. Hiria 1970ko hamarkadaren hasieran eraiki zen, Txernobilgo langileei etxebizitzak emateko. Hondamendi nuklearra eta gero, arrapaladan abandonatu zuten. Thaterren bideo-grabazioek suntsipena erakusten dute, hala nola, zinema baten barrualdea, hondakinez betea, hondatutako eraikinak, makinak eta tankeak, abandonatutako soroak eta Leninen estatua bat. Malenkonia- eta mehatxu-kutsua dira nagusi; eta bitxia bada ere, ukitu erromantiko bat ere bada, paisaia suntsigarri horretan. Alde batetik, Thaterrek hondamendiaren hondakinak grabatu ditu; eta, bestetik, bere harridura aditzera ematen du naturaren indar ikaragarriaren aurrean. Une batez, basazaldiak ikusten ditugu, libreki harat-honat dabiltzala. Przewalski arrazako zaldi bitxi horiek baztertze-eremuaren barruan sartu zituzten istripua ondoren, urte batzuen buruan. Landareak, zaldiak eta zisneak bertan bizi dira, bizileku desegokia bada ere. Eta gaur egun, bisitariak hondakinetan zehar ibil daitezke. Thaterrek gure garaiko alegoria apokaliptikoa sortu du; eta modu bitxian, bizitzaren aldeko aldarria ere bada. Horren harira, erakusketaren azpi-izenburua, Bizitza ezegonkorraren adierazpideak, are nabarmenago bihurtzen da.