Haunted: egungo argazkigintza-bideoa-performancea
Andy Warhol, Hondamendi laranja 5. zk. (Orange Disaster #5), 1963
Luis Jacob, IV. albuma (Album IV), 2004–05
Iruzkinak
Sarah Charlesworth, Herald Tribune: 1977ko azaroa (Historia modernoa sailekoa) [Herald Tribune: November 1977 (from the Modern History series)]
- Izenburua:
- Sarah Charlesworth, Herald Tribune: 1977ko azaroa (Historia modernoa sailekoa) [Herald Tribune: November 1977 (from the Modern History series)]
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta komunikabideak | Sorkuntza artistikoa | Materiala | Talde-memoria
- Artelan motak:
- Argazkia
- Aipatutako artistak:
- Charlesworth, Sarah
Sarah Charlesworth artistak 1977ko azaroko Herald Tribune nazioarteko egunkariaren lehenengo orrialdeak fotokopitu zituen. Testu guztia kendu zuen, goiburua izan ezik, eta utzitakoari argazkiak atera zizkion. Desegite-teknika hori baliatuz, sortu zuen lanak hainbat galdera pizten ditu argazkien adierazpenari buruz eta ondoan testurik ez duten irudiak interpretatzeko dugun moduari buruz. Argazkiek istorioa itxura dezaketela ohartuko gara. Hori lortzeko honakoa hartzen da kontuan: erreproduzitutako irudi-motak, horiek orrialdean kokatzeko tokia, haien tamaina eta agertutako maiztasuna.
Charlesworthek egunkariak kaleratu bezain laster sortu zituen irudi hauek, baina bere lana Historia modernoa deitu zuen. Izen horrek historia propio hartutako erabakien bidez sortzen dela nabarmentzen du. Irudiek erakusten dutenez, egunkariaren argitaratze-ildoa estatuburuei arreta jartzea zen. Oso argazki gutxik erakusten dituzte emakumeak. Historia Modernoa izena, gainera, denboraren poderioz galdutako memoria kolektiboaren metaforatzat jo daiteke. Argazkietako pertsona batzuk ondo ezagunak diren arren, ez ditugu gogoratzen irudikatzen zituzten istorio guztiak. Irudi horiek egun ikustean, sortu zirenetik hogeita hamar urte baino gehiago igaro direnean, harritzekoa da haietako zenbat hil diren honezkero. Argazki bakoitzak artean hil ez diren pertsonen dolua iragarriko balu bezala da.
Irudiak testuinguruan kokatzen dituen hitzik gabe, irudiek mutuak dirudite. Aurpegiek adi-adi begiratzen gaituzte, denboran harrapatuak baleude bezala: irribarretsu dira, baina aspaldi joan ziren.