Haunted: egungo argazkigintza-bideoa-performancea
Lisa Oppenheim, Eguzkia beti ari da sartzen nonbait (The Sun is Always Setting Somewhere Else), 2006
Sophie Calle, Aita Ama (Hilobiak, 17. zk.) [Father Mother (The Graves, #17)], 1990
Iruzkinak
Joan Jonas, Ispilu-lana I (Mirror Piece I), 1969
- Izenburua:
- Joan Jonas, Ispilu-lana I (Mirror Piece I), 1969
- Erakusketa:
- Haunted: egungo argazkigintza-bideoa-performancea
- Gaiak:
- Giza gorputza | Artea eta espazioa | Artea eta pertzepzioa | Sorkuntza artistikoa | Mugimendua | Dantza
- Mugimendu artistikoak:
- Body Art
- Artelan motak:
- Argazkia | Bideoa | Bideoartea | Performance
- Aipatutako artistak:
- Jonas, Joan
1960ko hamarkadaren amaieran, Joan Jonas-en lan berritzaileek aitzindari bilakatu zuten performancean, gorputz artean eta bideo artean. Baliabide horien bidez, ikusle izatearen prozesua, politika eta psikologia azter zitzakeen.
Bere zuzeneko performanceen dokumentazio bakarra argazkietan eta bideoetan gordetzen da. Irudi hau 1969an Jonasen lehenengotariko zuzeneko ekitaldi batetik hartua dago. Ispilu-lana I artelanean, dantzari batzuek ispiluak heltzen zituzten ikusleen aurrean landutako mugimenduak burutzen zituzten bitartean. Dantzatu bitartean, ispiluek haien gorputzak, inguruak eta ikusleak islatzen zituzten. Eszena-tresneria eta haien inguruko egitura moduan jokatzen zuten. Islek distantzia fisiko handi baten bidez banantzen zituzten aktoreak eta ikusleak baina, aldi berean, elkartu egiten zituzten ispiluen espazio-jolasen bidez.
Argazki hau artistak atera zuen, eta lan horren dokumentu bakanetako bat da. Antzezle bakar bat belarrean dago eserita, hankak luzatuta, eta bere gorputza bikoizten eta zatitzen duen ispilu bat heltzen du irudi asaldagarri eta surrealista bat sortzeko. Duela berrogei urtetik gora jazotako gertaera hutsal baten dokumentu harrigarria da azken batean.