Haunted: egungo argazkigintza-bideoa-performancea
Zhang Huan, 12 metro koadro (12 Square Meters), 1994
Tacita Dean, Merce Cunningham-ek Trevor Carlson-ekin STILLNESSen parte hartzen du (hiru mugimendutan) John Cage-k sortutako 4’ 33” konposizioa entzuten den bitartean, New York hiria, 2007ko apirilak 28 (sei performance; sei film) [Merce Cunningham performs STILLNESS (in three movements) to John Cage’s composition 4'33" with Trevor Carlson, New York City, 28 April 2007 (six performances; six films)], 2008
Iruzkinak
An-my Lê, Gerra txikiak (I. frankotiratzailea) [Small Wars (sniper I)], 1999–2002
- Izenburua:
- An-my Lê, Gerra txikiak (I. frankotiratzailea) [Small Wars (sniper I)], 1999–2002
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta emozioa | Sorkuntza artistikoa | Kolorea | Memoria | Vietnamgo gerra | Sentimenduak
- Artelan motak:
- Argazkia
- Aipatutako artistak:
- Lê, An-My
An-My Lê-ren Gerra txikiak saileko argazkiek benetako gudu-eszenen dokumental-irudi soilak dirudite. Aldiz, gauzak ez dira diruditen bezala eta, Lêk zuri-beltzezko erreportaje-teknika tradizionalak baliatzen dituen arren, irudi horiek fikzio hutsa dira. Virginiako basoetan Vietnameko Gerra antzezten asteburuak ematen dituen gizon-talde baten jarduerak dokumentatzen dituzte argazkiek. Ikusten ditugun eszenak (leherketak, buruz buruko borrokak eta kanpamenduak) ez dira benetako gerra batekoak, bizitako errealitatearen antza duen antzezpen historiko batekoak baizik. Gizonek erabiltzen dituzten uniformeek, antzezpen-elementuek eta borrokarako planoek zehaztasun historikoa izatea bilatzen den arren, Virginiako paisaia ez da Vietnamekoa inondik ere. Gerra-jolas hauek ume-jokoen bertsio landuak dirudite (filmen eta telebista-irudien eraginpean egindakoak). Hala ere, antzezle batzuk historiaren zale amorratuak soilik diren arren, beste batzuk jasandako traumak gainditzeko oroitzapenak azaleratzen dituzten Vietnameko beteranoak dira.
Saileko argazki batean, hain zuzen I. frankotiratzailea lanean, An-My Lê agertzen da Vietcongen frankotiratzaile gisa. Gertaera horien inguruan dokumentatzean eta horietan parte hartzean, kontraesana eta asaldura eragiten diote artistari; izan ere, Lê errefuxiatu joan zen Vietnametik Ameriketako Estatu Batuetara 1975ean, eta bere oroitzapenak argazki horietan islatzen dira antzezleen imajinatutako eta gogoratutako esperientzien bidez.