Haunted: egungo argazkigintza-bideoa-performancea
Christian Boltanski, Gizakiak (Humans), 1994
Adam Helms, Titulurik gabeko erretratua (Grozni) [Untitled Portrait (Grozny)], 2007
Iruzkinak
Slater Bradley, Nire doppelgänger-a Ian Curtis iruzurti gisa nortzen (zuhaitza eta zigarroa) [My Doppelganger as Ian Curtis in Charlatan Pose (tree and cigarette)], 2000–01
- Izenburua:
- Slater Bradley, Nire doppelgänger-a Ian Curtis iruzurti gisa nortzen (zuhaitza eta zigarroa) [My Doppelganger as Ian Curtis in Charlatan Pose (tree and cigarette)], 2000–01
- Erakusketa:
- Haunted: egungo argazkigintza-bideoa-performancea
- Gaiak:
- Heriotza | Artea eta denbora | Sorkuntza artistikoa | Erretratua eta autorretratua | Pop | Dualtasuna
- Teknikak:
- Collage
- Artelan motak:
- Argazkia | Bideoa
- Aipatutako artistak:
- Bradley, Slater
Ahoan zigarroa eusten duen eta begi oinazetsuekin adi-adi dugun gizonak, Ian Curtis dirudi, Joy Division musika-taldeko abeslaria. Hala ere, itxurarekin ezin gaitezke gehiegi fida. Argazki honetako pertsonaia Slater Bradley artistaren antza duen gizona da, eta Ian Curtis balitz bezala jarri da.
Argazki hau lan-sail batekoa dugu. Bertan, Bradleyk ordezko bat baliatzen du eta honako gaiak aztertzen ditu: banakotasuna, ispiluan islatzen den norberaren irudia eta famatuen gurtzaren berezko alderdi tragikoa. Artistak lanetan erabiltzen duen edozein elementu autobiografiko korapilatu egiten da artistak ordezko bat erabiltzen duenean. “Doppelgänger” hitzak konnotazio makurrak dauzka: kultura herrikoian, bizi den pertsona baten ordezko espektral bati egiten dio erreferentzia. Nork bere doppelgänger-a ikusteak heriotzaren iragarpentzat jotzen da.
1999tik aurrera, Bradley Benjamin Brock-ekin, haren ordezkoa bizitza errealean, aritu da lankidetzan argazkietan, collagetan eta bideoetan. Horietan Brockek posatu eta antzeztu egiten du, poparen hiru ikono tragikoren bizitzen uneak antzeztuz: Ian Curtis, gazte zela bere burua hil zuena, Nirvana taldeko Kurt Kobain eta Michael Jackson. Hirurek ere euren buruak suntsitu zituzten famara bidean.
Neguko hondo soil eta hotz horretan, argazki honek badu halako amets moduko nolakotasun ikaragarri bat. Gauzak ez dira diruditena. Brockek Ian Curtisen plantak egiten ditu eta, hori eginez, bizitzara ekartzen du berriz, baina, aldi berean, haren heriotza gogorarazten digu.