Haunted: egungo argazkigintza-bideoa-performancea
Sarrera
Sarah Charlesworth, Herald Tribune: 1977ko azaroa (Historia modernoa sailekoa) [Herald Tribune: November 1977 (from the Modern History series)]
Iruzkinak
Andy Warhol, Hondamendi laranja 5. zk. (Orange Disaster #5), 1963
- Izenburua:
- Andy Warhol, Hondamendi laranja 5. zk. (Orange Disaster #5), 1963
- Erakusketa:
- Haunted: egungo argazkigintza-bideoa-performancea
- Gaiak:
- Heriotza | Artea eta komunikabideak | Artea eta emozioa | Eragin artistikoa | Sorkuntza artistikoa | Sentimenduak | Gogoeta
- Mugimendu artistikoak:
- Pop Artea
- Artelan motak:
- Argazkia | Serigrafia
- Aipatutako artistak:
- Warhol, Andy
Beste pop-artista batzuek bezala, Andy Warhol-ek aldizkarietatik eta egunkarietatik hartutako argazkiak erabili zituen bere lanetan. Serigrafia honetan hamabost aldiz errepikatzen den argazki bat ikus dezakegu: New York estatuko Sing Sing espetxeko aulki elektriko huts bat. Urte luzez, 614 preso hil zituzten aulki honetan. Horien artean zeuden Ethel eta Julius Rosenberg, Gerra Hotza puri-purian zela errusiarrentzat espioitzan aritzea leporatu zitzaien bikotea.
Serigrafiaren teknika baliatuz, Warholek irudi bera behin eta berriz errepika zezakeen, eta argazkien kontaktu-orri baten irudipena eman. Irudi bakar honen errepikapena heriotzaren errealitate traumatikoa gainditzeko ahalegintzat jo dezakegu. Warholen hitzetan:
Irudi latz bat behin eta berriro ikusten baduzu, indarra galtzen du.
Hala izan daiteke, baina egia da mehatxuzko irudi gogor honen kopia ugari horiek, aulki hutsarekin eta atearen gainean “isilik” dioen kartelarekin, eszenaren ikara eta bakardadea areagotzen dutela.
Andy Warhol ospea eta masa-kontsumoa goratuz ezagun egin zen arren, bizitza publikoaren alde ilunak ere atseginez hartzen zituen. 1960ko hamarkadaren hasieran hasi zen hilkortasunaren gaiari erreparatzen zioten irudiak erabiltzen. Liluratuta zegoen prentsak heriotzari eta hondamendiari emandako estaldurarekin, eta behin eta berriz heldu zien hilarazteen, suizidioen, magnizidioen eta auto-istripuen irudiei. Lan hau heriotzaren egia ikaragarria errepikapenen bidez baztertzeko saioa izan daitekeen arren, eragingarria da hausnartzera gonbidatzen duen lan ilun moduan, aulkian egon ziren biktimen oroigarri moduan.