Haunted: egungo argazkigintza-bideoa-performancea
Clemente Bernad, Titulurik gabea, Madril. Carabanchelgo kartzela. Sartzeko fitxaren argazkietarako atzealdea (Sin título, Madrid. Cárcel de Carabanchel. Fondo para las fotografías de las fichas de ingreso), 1998
Idris Khan, Bernd Becher-i omenaldia (Homage to Bernd Becher), 2007
Iruzkinak
Carlos Garaicoa, Titulurik gabea (“ertza”) [Untitled (“la esquina”)], 2003–06
- Izenburua:
- Carlos Garaicoa, Titulurik gabea (“ertza”) [Untitled (“la esquina”)], 2003–06
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta politika | Eragin artistikoa | Sorkuntza artistikoa | Materiala | Sinbologia | Kubako Iraultza
- Artelan motak:
- Argazkia | Arkitektura
- Aipatutako artistak:
- Garaicoa, Carlos
Arkitektura eta hiri-ingurunea dira Kuban jaiotako Carlos Garaicoa artistaren lanean gailentzen diren gaiak. Diptiko honetan, bere jaioleku Habanako pisu-bloke hondatu baten bi irudi aurkezten zaizkigu. Parez pare jarri ditu irudiak: batean, eraikina zutik dago artean; bestean, berriz, hondaturik ikus dezakegu. Garaicoak orratzak iltzatu ditu bigarren panelean. Non jartzen garen arabera, orratzen artean koloretako haria ehundu duela ikus dezakegu eta, hartara, galdutakoaren soslai bat birsortzen duen marrazki arraro eta irreal bat sortu du.
Garaicoaren lan askok Habanako amaitu gabeko eta hondatutako arkitekturak hartzen dituzte gaitzat. Arreta berezia jartzen du 1959ko Kubako Iraultzaren ondoren utzi zituzten edo eraikitzea eten zen eraikinei argazkiak ateratzen. Lehen eta orain motako argazki-diptikoek hiriaren azpiegiturak hondatzen nola joan diren uzten dute agerian. Titulurik gabea (“ertza”) lan honek pisu-bloke baten hondarrak erakusten dituen arren, beste gai batzuk ere ematen ditu aditzera: esaterako, denboraren joana, eraikinak aldi baterako egitura gisa eta helburu politiko utopikoen eta errealitatearen arteko alde izugarria.