Haunted: egungo argazkigintza-bideoa-performancea
Sophie Calle, Aita Ama (Hilobiak, 17. zk.) [Father Mother (The Graves, #17)], 1990
An-my Lê, Gerra txikiak (I. frankotiratzailea) [Small Wars (sniper I)], 1999–2002
Iruzkinak
Zhang Huan, 12 metro koadro (12 Square Meters), 1994
- Izenburua:
- Zhang Huan, 12 metro koadro (12 Square Meters), 1994
- Erakusketa:
- Haunted: egungo argazkigintza-bideoa-performancea
- Gaiak:
- Bizitza | Giza gorputza | Artea eta gizartea | Artea eta politika | Esperimentazio artistikoa | Sorkuntza artistikoa | Indarkeria | Txina
- Artelan motak:
- Argazkia | Performance
- Aipatutako artistak:
- Zhang, Huan
1990eko hamarkadaren hasieran, Zhang Huan artista txinatarrak eta aktoreen talde batek Dashancun herrian, Beijing ekialdeko auzo txiro batean, ezarri zituzten haien estudioak. Gune hari Beijingeko East Village izena jarri zioten, New Yorkeko East Village bezala, eta Txinako agintariek arriskutsu eta matxinotzat joko zituzten lanak egin zituzten bertan.
Hasierako “gorputz esperimentuetan”, Zhangek giza existentzia eta gorputzaren mugak aztertzen zituen. 12 metro koadro uda bete-betean Dashancuneko komun publiko batzuetan egindako performance baten argazki-dokumentazioa da. Artistak gai hauetan jarri zuen arreta: Dashancuneko bizi-baldintza negargarrietan eta Txinako administrazioak ezarritako indarkeria politikoan. Zhangen gorputz-performanceek ahaleginen bidez pairamenei aurre egin diezaiekegula uzten dute agerian. Lan honetan, Zhang biluzik dago, bizkarrik gabeko burdinazko aulki batean eserita, komun zikin baten erdian. Lanaren izenak espazio horren neurriei egiten die erreferentzia. Artista geldirik dago, euliz estalita, horiek Zhangek gorputzean igurtzitako eztia eta arrain-olioa jaten ari baitira. Zuzeneko performanceak ordubete iraun zuen eta, ondoren, Zhang utzitako urmael baten uretan murgildu zen, bizitzeko eginahalak egiten zituzten euliak hiltzen utziz.