Haunted: egungo argazkigintza-bideoa-performancea
Anna Gaskell, (ezkutatu) [(hide)], 1998
Iruzkinak
Gillian Wearing, Autoerretratua hiru urterekin (Self-Portrait at Three Years Old), 2004
- Izenburua:
- Gillian Wearing, Autoerretratua hiru urterekin (Self-Portrait at Three Years Old), 2004
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta identitatea | Artea eta emozioa | Sorkuntza artistikoa | Lan-prozesua | Tamaina | Erretratua eta autorretratua | Memoria | Gogoeta
- Artelan motak:
- Argazkia | Bideoa
- Aipatutako artistak:
- Wearing, Gillian
Lehenengo begiratuan, Gillian Wearing artista ingelesaren tamaina handiko argazki honek ume baten familia-argazki bat dirudi. Aldiz, luzaroago begiratu ahala, zer edo zer begira daukagun sentsazio txundigarria sortzen zaigu, argazkia begiratzean zer edo zer hori guri begira balego bezala.
Gillian Wearingek maskarak baliatzen ditu mozorrotzeko, nola argazkietan hala bideoetan. Pertsonaien identitatea ezkutatuz, barne-barneko sekretuak azaltzeko modua ematen die haiei. Argazki honetan, Wearingek bere burua birsortu du hiru urte zitueneko haurraren itxura hartuz. Garai hartako argazki batean oinarritutako maskara bat egiteko eskatu zuen. Neskatilaren begien eta sudurzuloen ingurura arretaz begiratuz gero, maskararen ingurubira guztia ikus dezakezu; eta bertatik heldu bat neskatilaren begietatik so dugu. Irudi bitxi honen bidez, argazkilariak bere haurtzaroa gogoratu du.
Autoerretratu hau ez ezik, Wearingek beste irudi autobiografiko batzuk ere sortu ditu. Silikonazko protesiak baliatu zituen gazteago zireneneko bere ama, aita, osaba eta anaia bihurtzeko. Horretarako argazkiak birmoldatu behar izan zituen. Wearingen argazkiek amets moduko giroa sortzen dute eta, aldi berean, nortasunari, memoriari eta argazkiak egia esateko duten gaitasunari buruzko galdera zirikagarriak pizten dituzte.