Haunted: egungo argazkigintza-bideoa-performancea
Tacita Dean, Merce Cunningham-ek Trevor Carlson-ekin STILLNESSen parte hartzen du (hiru mugimendutan) John Cage-k sortutako 4’ 33” konposizioa entzuten den bitartean, New York hiria, 2007ko apirilak 28 (sei performance; sei film) [Merce Cunningham performs STILLNESS (in three movements) to John Cage’s composition 4'33" with Trevor Carlson, New York City, 28 April 2007 (six performances; six films)], 2008
Gerhard Richter, Itsas-paisaia (Seestück), 1998
Iruzkinak
Jeff Wall, Gerra-jolasa (War game), 2007
- Izenburua:
- Jeff Wall, Gerra-jolasa (War game), 2007
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta gizartea | Artea eta emozioa | Eragin artistikoa | Sorkuntza artistikoa | Kolorea | Sinbologia | Tamaina | Gerra | Zinema
- Mugimendu artistikoak:
- Neorrealismoa
- Artelan motak:
- Argazkia
- Aipatutako artistak:
- Wall, Jeff
Mutil-talde bat jolasean dabil lur-sail abandonatu batean. Hiri handi baten aldirietako auzoetan aurki daitekeen eszena-mota da. Jeff Wall artista kanadarraren zuri-beltzezko argazki handi honetan, pneumatiko batean eseritako mutil batek hartzen du gure arreta lehendabizi. Antza denez, hiru preso zaintzen ari da. Mutikoak buruz behera daude, beharbada, hildakoarena egiten, haietako bat barrezka dagoen arren. Espetxe inprobisatua traste zaharrez eginda dago. Irudi hau begiratzean, begiek irudiaren hondoan sakontzen dute. Beste mutil-talde bat (ur-pistolak eskuan) haien aurkarien bila dabil. Irudiari nolabaiteko malenkonia dario. Haurrak une labur baten sinboloak bide dira eta denbora ezinbestean aurrera doala gogorarazten digute.
Tamaina handiko argazkiak eta urrutiko planoak asko erabiltzen ditu Jeff Wallek bere jardunean. Kamera atzera doa pertsonaiak ingurune jakin batean ager daitezen. Irudien tamainak eta horiek ateratzeko metodoak hemeretzigarren mendean historia-pinturak gai garrantzitsuak irudikatzeko zeukan modua ekartzen dute gogora. Wallen argazkiek bizitza modernoari erreparatzen diote: txirotasuna, langabezia, prostituzioa eta hondatutako inguruak. Nolanahi ere, benetako gertaerei argazkiak atera ordez, artistak ikusitako jazoerak birsortu nahi ditu. Proiektore bateko irudien antzera, Wallen “ia dokumentalekoak” diren irudiak zinematografikoak dira haien tamainari dagokienez. Argazkiek Italiako film neorrealistei egiten diete erreferentzia eta filmetako fotogramak ematen dute. Istorio bat irudikatzen bide dute, nahiz eta zein istorio den argi ez dagoen.