Haunted: egungo argazkigintza-bideoa-performancea
Adam Helms, Titulurik gabeko erretratua (Grozni) [Untitled Portrait (Grozny)], 2007
Joan Jonas, Ispilu-lana I (Mirror Piece I), 1969
Iruzkinak
Lisa Oppenheim, Eguzkia beti ari da sartzen nonbait (The Sun is Always Setting Somewhere Else), 2006
- Izenburua:
- Lisa Oppenheim, Eguzkia beti ari da sartzen nonbait (The Sun is Always Setting Somewhere Else), 2006
- Erakusketa:
- Haunted: egungo argazkigintza-bideoa-performancea
- Gaiak:
- Artea eta denbora | Artea eta politika | Sorkuntza artistikoa | Materiala | Gerra | Irak | New York
- Artelan motak:
- Argazkia
- Aipatutako artistak:
- Oppenheim, Lisa
Lisa Oppenheim-en lan honetan, 35 milimetroko hamabost diapositiba horma baten kontra begiztan proiektatzen dira. Diapositiba bakoitza Iraken diharduten Ameriketako Estatu Batuetako soldaduek ateratako eguzkia ezkutatzen den uneko argazki bat da. Oppenheimek sarea arakatu du argazki horiek lortzeko: Internet, webguneak, blogak eta sare sozialak. Jaitsitako argazkia inprimatu ondoren, irudia eskuan heltzen du eta berriro ateratzen dio argazkia benetako ilunabarraren aurrean bere jaioterri New Yorken.
AEBko militarrek Iraken ateratako argazkiari artistak New Yorken ateratakoa gainjarriz, bi tokien arteko ikusizko lotura ezartzen da. Eguzki-sarrera bat bestearekin ordezkatuz, Lisa Oppenheimek geografia eta denbora loturarik gabe jorratzen ditu. Irudietan, ilunabarraren edertasun naturalak arriskua eta errealitate politikoa ezkutatzen ditu, argazkiak etxetik urrun borrokan ari ziren soldaduek atera baitzituzten. Arretaz begiratuz gero, tarteka tanke batek harrotutako hauts-aztarna bat antzeman daiteke, edo, urrutian, helikoptero militar bat. Horiek dira argazkietako ilunabarren kokapena jakiteko zantzu bakarrak.
Gehienetan, ilunabarren argazkiek honakoa dakarte gogora: etxean geratutakoei galtzen ari direna erakusteko oporretatik oroigarri gisa igorritako postalak. Aldiz, ilunabarren bidez, artista dolu-kutsu handiagoko zerbait egiten ari dela dirudi: Irakeko gerra etxera ekartzeko erabiltzen ari da.