Haunted: egungo argazkigintza-bideoa-performancea
Karl Haendel, 5. zutabeko taldea (5th Column Group), 2007
Gillian Wearing, Autoerretratua hiru urterekin (Self-Portrait at Three Years Old), 2004
Iruzkinak
Anna Gaskell, (ezkutatu) [(hide)], 1998
- Izenburua:
- Anna Gaskell, (ezkutatu) [(hide)], 1998
- Erakusketa:
- Haunted: egungo argazkigintza-bideoa-performancea
- Gaiak:
- Emakumea artean | Artea eta denbora | Artea eta pertzepzioa | Artea eta psikologia | Artea eta emozioa | Eragin artistikoa | Sorkuntza artistikoa
- Artelan motak:
- Argazkia
- Aipatutako artistak:
- Gaskell, Anna
Ezkutatu hamasei irudiz ostatutako Anna Gaskell argazkilariaren saila da. Irudi guztiek nerabe aurreko emakumezko aktoreak baliatzen dituzte eta antzeko estiloa dute, hain zuzen, munduaz haraindiko maitagarrien ipuin moduko estilo bat. Sailak Grimm anaien ipuin bat du iturri. Horretan, emakume gazte bat animalia-larruzko kapa batekin mozorrotzen da bere aitaren ezkontza eskaeratik aldegiteko. Ipuin asaldagarri horrek zama psikologiko handiko gai bat aztertzeko aukera ederra eman zion Gaskelli. Argazki guztiak etxe itzel gotiko ilun batean daude aterata, kandela-argi lauso batek soilik argiztatuta. Kolore eta eskulangintza ilunen erabilerak giro bakartia sortzen du, mehatxuzkoa eta zorigaiztokoa.
Irudiak arretaz daude prestatuta eta antzeztuta. Eszena guztiak artifizialak dira: argazkia ateratzeko baizik ez dira existitzen. Gaskellek gogoko du une dramatiko isolatuak sortzea. Istorio bat aditzera ematen duen argazki-estilo bat darabilen arren, istorioa argitu gabeko misterioa da. Ez dago ezer argazki hauek baino “lehen” edo “ondoren”, ezta denboraren joanaren arrastorik ere. Gertaera guztiak aldi berean jazotzen direla dirudi. Irudi asaldagarri hauek gure interpretazioen gogara uzten gaituzte.