Pello Irazu: Panorama
Hodeiak zuhaitz kukulak dira lurrarenak dira II (Las nubes son copas de los árboles son de la tierra II, 1985); Titulurik gabea (1985); Sagu baten istorioa 1 (Historia de un ratón 1, 1985), Sagu baten istorioa 2 (Historia de un ratón 2, 1985), Igarotzea I, II eta III (Tránsito I, II y III, 1985) eta Zu (Tú, 1987)
Iruzkinak
[Pello Irazu: Panorama]. Sarrera
- Izenburua:
- [Pello Irazu: Panorama]. Sarrera
- Erakusketa:
- Pello Irazu: Panorama
- Gaiak:
- Espazioa | Paisaia | Euskal Eskultura Berria
- Mugimendu artistikoak:
- Arte Kontzeptuala | Konstruktibismoa | Minimalismoa | Posmodernismoa
- Teknikak:
- Marrazkia
- Artelan motak:
- Argazkia | Eskultura | Horma-pintura | Instalazioa | Pintura
- Aipatutako artistak:
- Irazu, Pello
Guggenheim Bilbao Museoak ongietorria ematen dizu Pello Irazu. Panorama erakusketara. Artista euskaldun honen ibilbidea ezagutzeko aukera bikaina da, hastapenetatik gaur egunera arte. Ibilbide hasieran, 1980ko hamarkadan, "Euskal Eskultura Berria" moduan ezagutzen den taldearen barne hartu zuten. Talde horretan bildutako artistek tokiko tradizioaren ildoak ukatzen zituzten. Beraien sorkuntza estetika minimalista eta kontzeptualean errotzen zen eta Jorge Oteizaren eskulturaren zenbait aspektu berrinterpretatzen zituzten.
Abiapuntu hori hartuta, Irazuk lan zabala garatu du hogeita hamar urte baino gehiagoko ibilbide batean. Material eta euskarri desberdinak nahastu ditu, eskulturaren mugak gaindituz. Hori dela eta, ibilbidean objektu eskultorikoak, horma-margoak, marrazkiak, argazkiak, margolanak eta instalazioak ikusi ahal izango dira.
Hala ere, bere lanak ezin dira diziplina bakarrean sailkatu. Irazuk mugakotik abiatuta lan egiten duela esan daiteke, objektuen elaborazio prozesua agerian utziz, haien aurrean arroztasuna sorraraztea lortu arte. Artelan hibridoak sortzen ditu, diziplina baten eta beste baten arteko erdibidean. Espazioa eta paisaia moduko gaiak uztartzen ditu, publikoa eta pribatua, gizakiaren tokia gizartean edo egunerokotasunarekiko erbesteratzea.
Bere helburua lortzeko, normalean minimalismoarekin, konstruktibismoarekin eta estetika postmodernoekin lotzen diren kontzeptuetatik abiatzen da oinarritzat geometriari helduz. Baina geometrikoa den hori, eta arazketa formala ez dira bete beharreko arauak artistarentzat, zalantzan jarri nahi duen abiapuntua baizik. Hori egitean, lan prozesuaren gorabeherak nabarmendu nahi ditu. Horregatik ematen dio garrantzi berezia bidean sortutako desbideratzeei, ustekabeko emaitzei edo diziplinen arteko saltoei. Arteari berari buruz eta arteak esperientziak eragiteko eta esanahiak sortzeko duen gaitasunari buruz egiten duen hausnarketan gehiago sakontzeko erabiltzen ditu elementu hauek. Erakusketa hau artistak berak diseinatutako gailu material eta kontzeptual espezifiko baten bidez modulatu da: aretoaren erdigunea diagonalki zeharkatzen duen korridore handi bat da, espazioa hainbat gunetan banatzeko. Halaber, gune hauek ibilbide kronologiko zirkular bat antolatzen dute lan eskultoriko osoan. Espazioa banatzeaz gain pasilloa erakusketa honetarako espresuki egindako horma-margo baten euskarri moduan ere erabili da eta horma-margo horretan bere marrazki, collage eta pinturen garapena ikusi ahal izango da.