Pello Irazu: Panorama
Bisitaria (Gabriel) [Visitante (Gabriel), 2013], Gabriel (2012) eta Ahitza (La Palabra, 2012)
Slowblanco, Patinir, Hipposblanco (2014)
Iruzkinak
Deikundea (Anunciación, 2014)
- Izenburua:
- Deikundea (Anunciación, 2014)
- Erakusketa:
- Pello Irazu: Panorama
- Gaiak:
- Artea eta espazioa | Gestalt | Lan-prozesua | Euskal Eskultura Berria
- Artelan motak:
- Argazkia
- Aipatutako artistak:
- Irazu, Pello
Deikundeari dagokionez, Artearen Historian hainbestetan irudikatu den pasarte bibliko honetan, argiak beti izan du funtsezko garrantzia. Artearen Historian kristautasunak Jainkoaren presentziarekin lotu izan du argia. Pintura askotan Gabriel goiaingeruak Mariari bere egoera iragartzen zionean, argi izpi batekin irudikatuta zegoen, Espiritu Santuarekin identifikatuz, gure begiradaren norabidea gidatzen zuena.
Beharbada, obra honek eta gai klasikoak, argiaren tratamenduari dagokionez duten nolabaiteko antzekotasunagatik erabaki zuen Irazuk Deikundea izenburua ematea. Espazio arkitektoniko bat erakusten duten argazki multzo batek osatzen du obra.
Berriro ere, dokumentazio-argazkiak ateratzen ditu bere sorkuntza prozesuetan; ondoren, manipulatu egiten ditu entitatea emateko objektu artistiko gisa. Kasu honetan, espazio berari argazkiak ateratzen dizkio baina oso antzerakoak diren ikuspuntu desberdinetatik. Ondoren, irudiak paretako espazioan sakabanatzen ditu Gestalt delako bat sortuz. Inprimatze bakarrean obra honek pasatu dituen fase desberdinak edukitzeko gai den forma.
Irudi guztietan, argia da —tonu urdinagatik nabarmentzen da— espazioa eraikitzen duena. Artistak gure begirada mugatzen duten pintura zerrendak aplikatzen ditu gama kromatiko berdinarekin, gure begirada beste modu batean zuzentzera gonbidatuz azaleraren luzeran eta zabaleran zehar: puntu konkretuetara bideratzen da edo zenbait forma arreta gehiagorekin behatzera bultzatzen gaitu. Espazio arkitektonikoan kokatzen dituen eskulturetan bezala, Irazuren esku-hartze piktorikoek energiaz estaltzen dute bi dimentsiotako azalera eta dinamismo berezi horretan parte hartzera animatzen gaituzte.