Pello Irazu: Panorama
Zauria 5 (The wound 5, 1998)
Jonzabor (Juanbasura, 2003), Abra (2003) eta Fabrika 1 (Fábrica 1, 2005)
Iruzkinak
Sorgindua seriea 5, 6 eta 7 (Serie encantada 5, 6 y 7, 1999) eta Pantaila (Pantalla, 2000)
- Izenburua:
- Sorgindua seriea 5, 6 eta 7 (Serie encantada 5, 6 y 7, 1999) eta Pantaila (Pantalla, 2000)
- Erakusketa:
- Pello Irazu: Panorama
- Gaiak:
- Euskal Eskultura Berria
- Mugimendu artistikoak:
- Minimalismoa
- Aipatutako artistak:
- Irazu, Pello
Obra multzo hau ere Pello Irazu New Yorken bizi izan azken garaiari dagokio. Une horretan ohikoa zen moduan, kolore arruntak eta forma konplexuak erabili zituen, hibridoak, tradizio kultuaren eta masa-kulturaren arteko erdibidean.
Arte-anatomiaren ikasketa propioetako bat den eskuak, Star Trek serieko Vulcano-en agur zeinua egiten du. Maskara, tragedia grekoaren tradizioarekin lotua, super-heroi batena izan daiteke. Kolore bizien gainean dagoen bilbadura geometriko bat abstrakzio geometrikotik edo komikiaren unibertso grafikotik ondoriozta daiteke.
Zentzu honetan, kolorez betetako zeinuek eta euskarrian edo paperean duten banaketek barne-erritmoak sortzea lortzen dute pieza bakoitzean. Aldi berean, badirudi grunge-aren burrunba- edo pop 1161ren kadentzia-hotsak entzuten direla.
Pieza hauen erreferentziak errealitate fisikotik atera dira, eskua edo pantailak gogora ekartzen dizkiguten formek erakusten duten moduan. Baina dagokien testuinguru mota zehaztu gabeak eta zeinu aseptiko bihurtu arteko sinplifikazioak beren esanahia zalantzan jartzera eramaten gaituzte.
Hau da Irazuk erabiltzen duen baliabideetako bat irudien zentzu mugiezina zalantzan jartzeko eta adierazteko gai diren anbiguotasuna lantzeko. Beraz, estetikoak baino ez diren ezaugarrietatik abiatuz, hots, forma eta kolorea, askotariko erreferenteen irudikapena biltzea lortzen du. Artistak eguneroko objektuek eragiten duten arroztasunaren inguruko hausnarketa azpimarratu nahi du. Atzerritarraren begirada ez da hedatzen etxetik urrun dagoenean soilik. Etxetik gertu dagoenean ere gertatzen da hori, eta liluratzeko duen gaitasun mugatua da haren ezaugarri nagusia.