Pello Irazu: Panorama
Acrobat (2000)
Fabrika (Belgrado) 10 [La Fábrica (Belgrado) 10, 2007]
Iruzkinak
X (2000)
- Izenburua:
- X (2000)
- Erakusketa:
- Pello Irazu: Panorama
- Gaiak:
- Lan-prozesua | Euskal Eskultura Berria
- Mugimendu artistikoak:
- Minimalismoa
- Artelan motak:
- Argazkia | Eskultura
- Aipatutako artistak:
- Irazu, Pello
Irazuk azken hamabost urteotan egindako lanaren gai garrantzitsuenetako bat erreprodukzioa eta metaketa izan dira. Artistak irudien —lauak zein hiru dimentsiotakoak— erreprodukzio prozesuen bidez sortzen ditu bere lanak eta aurretik metatutako materialetatik abiatuz, objektu berrien sorreran sakontzen du. Horrela lan egiten du obra honetan adibidez, Irazuk berak azaltzen duen moduan:
Pello Irazu: "Erreproduzitzeko gaitasuna ideia abiapuntutzat hartuz, bi bitarteko lantzen ditut hura eztabaidatzeko: argazkilaritza eta eskultura nurtua. Eskultura euskarrian, nire esku-hartzeak galdaketaren presentzia erlatibizatzen du birtualizatuz".
Objektu errealetan material berriak sartzean, Irazuk haien erabilera eta funtzioa mugatzen du eta eskultura bihurtzen ditu, espazio bera hartzen duten bolumen desberdinetako multzo gisa behatzera behartuz ikuslea, kasu honetan, aulkia; hura parasitatzen duen mahai arrosa batek jaten du partzialki. Objektu berri batean elkar bizi diren natura desberdinetako objektuen arteko talka ikusten dugu hemen. Modu honetan, elementu bakoitzak anbiguotasun handiagoa hartzen du ikuslearen begietan.
Halaber, aktibitate honekin artistak bere lanaren prozesua balioztatu nahi du. Pieza hauetariko asko, non aulkiak edo bere inguruan egunero aurkitzen dituen materialak erabiltzen dituen, beste obra batzuk egitean sortzen dira. Bidean, artistak aulkiaren oinarria erabiltzen du laneko materialak eusteko edo inprobisatutako idulki gisa. Eta une jakin batean, objektu berri honek inguruan dauden beste piezekin elkarrizketan egotean hura “solidifikatzea” erabakitzen du nortasun propioa duen obra batean bihurtzeko.