Pello Irazu: Panorama
Big brother (1988)
Dreambox (Caraqueño) (1993)
Iruzkinak
Itsu, gor eta mutu (Ciego, sordo y mudo, 1989)
- Izenburua:
- Itsu, gor eta mutu (Ciego, sordo y mudo, 1989)
- Erakusketa:
- Pello Irazu: Panorama
- Gaiak:
- Artea eta pertzepzioa | Euskal Eskultura Berria
- Mugimendu artistikoak:
- Minimalismoa
- Artelan motak:
- Eskultura
- Aipatutako artistak:
- Irazu, Pello
Hiru piezek osatzen duten eskultura honen izenburuak Itsu, gor eta mutu, hiru tximino jakintsuen mito txinatarrari egiten dio erreferentzia. Mito horren irudikapenean animalia batek begiak ezkutatzen ditu, beste batek belarriak eta hirugarrenak ahoa. Hiru tximinoek jakinduria irudikatu dute historikoki:gizakiak munduko okerkeriak entzutea, ikustea eta kontatzea saihestu behar du. Baina Pello Irazuren lanean, gai hau pertzepzioaren arazoekin lotuago egon daiteke.
Forma geometriko arruntenetatik abiatuz eta abstrakzio eta murriztapen formal prozesu baten ondorioz, Irazuk ikusmenaren, entzumenaren eta hizkeraren gabeziari erreferentzia egiten dioten hiru piezako obra sortzen du. Beraz, Itsua piezak kanporantz ixten den forma hartzen du bere gain, barruan gorriz margotutako hutsune bat uzten duena. Modu honetan ikusmenaren zentzumena ukatzeak inplikatzen duen auto-hausnarketa gaitasuna azpimarratu nahi da, literalki, nork bere burua begiratzea, barrurako begirada.
Mutu pieza aurrekoaren oso antzerakoa da, desberdintasun handiena kromatikoa delarik. Bertan Itsu piezan gertatzen ez den moduan, kolorearen bidez azpimarratzen da arazo optikoa. Gor piezan bestalde, kanporantz garatzen dira bolumenak.
Edozein kasutan, beraien artean dauden paralelismo eta antzekotasunengatik, elkarri lotuta dauden piezak dira, esaldi bereko hitzak izango balira moduan, non desberdintasunen arteko oihartzunak esanahi osoa osatzen duen. Ohikoa den moduan Irazuren ibilbidean, irudia bere erreferenteetatik oso urrun dago. Eta interpretatzea posible da bere materialtasunarekin zuzenean lotuta ez dauden zergatiek sortutako konexioetatik abiatuz soilik, kasu honetan, izenburua. Modu honetan anbiguotasuna mantentzea lortzen du, galderak planteatuz, erantzun zuzenik proposatu gabe.