Pello Irazu: Panorama
Noli me tangere III (2012)
Israfil (2012)
Iruzkinak
Udako euria (Summer rain, 2006), Guztia (Todo, 2009), Katalunia (Catalunya, 2014)
- Izenburua:
- Udako euria (Summer rain, 2006), Guztia (Todo, 2009), Katalunia (Catalunya, 2014)
- Erakusketa:
- Pello Irazu: Panorama
- Gaiak:
- Artea eta pertzepzioa | Euskal Eskultura Berria
- Mugimendu artistikoak:
- Minimalismoa
- Teknikak:
- Marrazkia
- Aipatutako artistak:
- Irazu, Pello
Lan hauekin, Irazuk argazkilaritza-dokumentalarekin eta kazetaritza eta beste masa-komunikabideekin lotutako zenbait lengoaiek mundu garaikidean duten eraginaren inguruan hausnartzen du.
Udako euria lanean, informazio bisualarekin guztiz saturatuta dagoen kontsumo gizarte honetan, suntsitutako paisaien argazkiek zein eragin sortzen duten galdetzen dio bere buruari. Irazuk israeldarrek Libanon egindako esku-hartze militarrari buruz komunikabideetan argitaratutako materiala biltzen du. Dokumentazio honetatik, paisaien konposizioaren kanon klasikoen arabera ederrak izan daitezkeen irudiak hautatu eta horien erabilera zalantzan jartzen du, historia- edo gizarte-testuinguru dramatiko bat deskribatzeko. Berriro ere, artistak mundu errealeko objektuak aukeratzen ditu testuingurutik ateratzeko helburuarekin. Esku-hartze estetiko baten bidez, testua duten eremuak ezabatzen ditu irudia bakarrik utziz eta irudiek erakusten dutenaren eta hitzek esaten dutenaren artean askotan ematen den aldea planteatzera eramaten gaituzte.
Guztia eta Katalunia obrak egiteko Irazuk egunkarien paperak ere erabili ditu. Benetako egunkari orrien manipulazioa inplikatzen duten marrazkiak izatean, komunikabideen komunikazio gaitasuna eta jasotzen ditugun mezuak nola jaso eta interpretatzen ditugun zalantzan jartzen du.
Artistak lan hauen sorkuntza prozesua azaltzen du:
Pello Irazu: "Egunkari-orrien gainean egindako marrazkien jatorria egunkari orrien bilketan eta haien pilaketan oinarritzen da. Orri hauetan artikuluaren osotasunean argitzen diren izenburuak daude, haien esanahiaren indarra mugatuz. Marrazki hauen prozesua testua berridaztea eta bilbe berri batean sartzean oinarritu da, egunkariak eratzeko erabiltzen den kutxen kodifikazio sistema formalaren bidez".