Pello Irazu: Panorama
Sorgindua seriea 5, 6 eta 7 (Serie encantada 5, 6 y 7, 1999) eta Pantaila (Pantalla, 2000)
Noli me tangere III (2012)
Iruzkinak
Jonzabor (Juanbasura, 2003), Abra (2003) eta Fabrika 1 (Fábrica 1, 2005)
- Izenburua:
- Jonzabor (Juanbasura, 2003), Abra (2003) eta Fabrika 1 (Fábrica 1, 2005)
- Erakusketa:
- Pello Irazu: Panorama
- Gaiak:
- Geometria | Euskal Eskultura Berria
- Mugimendu artistikoak:
- Minimalismoa
- Teknikak:
- Collage
- Artelan motak:
- Eskultura
- Aipatutako artistak:
- Irazu, Pello
Obra multzo honetan Pello Irazuk berriz ere hausnartzen du irudien gaitasun esanguratsuan, diziplina artistikoen eta historiaren arteko mugak saihestuz.
Zinta itsaskorra paper-euskarriaren gainean protagonista gisa sartzen duen elementu erreala da. Baina, aldi berean, euskarri berriaren funtzioa ere betetzen du. Lerroak marrazten ditu eta haien kontra Irazuren trazuak jarkitzen zaizkie. Gainera, ehundura eta bolumena ematen die piezei. Collageak direla esan dezakegu orduan? Benetako eskulturak?
Artistaren mende honen hasierako joerari jarraituz, irudiak kontrastean dauden oinarrizko koloreekin osatzen ditu, emaitza kartsuak lortuz. Formak sinpleak dira, zeinu arruntak edo bide-seinaleak balira moduan. Errealitateko eta artearen historiako elementuak aipatzen ditu, baina ez modu zuzenean. Zentzu anbiguoa duten arren, eguneroko objektuak ikus daitezke, hala nola, poltsak, aurpegiak, tradizio barrokoko gorputzak, forma kubistak... Hauek berezko interesa pizten dute forma gisa bi dimentsiotako espazio horretan, erreferentziazko mundu desberdinak dituzten tentsio plastikoak sortuz.
Modu honetan, artistak irudi gogorarazleak eratzen ditu, zeintzuen interpretazioa edo eragina, ikuslearen esperientziaren ondorioa besterik ez den. Berriro ere, formen izaera anbiguoarekin jolasten du zeinu grafikoen sorrerari buruz hausnartzeko.