Pello Irazu: Panorama
[Pello Irazu: Panorama]. Sarrera
Sorgailua (Generador, 1989)
Iruzkinak
Hodeiak zuhaitz kukulak dira lurrarenak dira II (Las nubes son copas de los árboles son de la tierra II, 1985); Titulurik gabea (1985); Sagu baten istorioa 1 (Historia de un ratón 1, 1985), Sagu baten istorioa 2 (Historia de un ratón 2, 1985), Igarotzea I, II eta III (Tránsito I, II y III, 1985) eta Zu (Tú, 1987)
- Izenburua:
- Hodeiak zuhaitz kukulak dira lurrarenak dira II (Las nubes son copas de los árboles son de la tierra II, 1985); Titulurik gabea (1985); Sagu baten istorioa 1 (Historia de un ratón 1, 1985), Sagu baten istorioa 2 (Historia de un ratón 2, 1985), Igarotzea I, II eta III (Tránsito I, II y III, 1985) eta Zu (Tú, 1987)
- Erakusketa:
- Pello Irazu: Panorama
- Gaiak:
- Espazioa | Materialtasuna
- Teknikak:
- Marrazkia
- Artelan motak:
- Eskultura
- Aipatutako artistak:
- Irazu, Pello
Pello Irazuk eskultoretzat dauka bere burua. Hala ere, bere obren artean marrazkien kategorian sar daitezken pieza ugari daude. Honako hauek esaterako, izan ere paperaren gainean landuta baitaude. Dena den, eskultore batek sortutako obrak dira, egiten duen lanaren esparru nagusia osatzen duten kontzeptu garrantzitsuenak zeintzuk diren ongi dakiena: materialtasuna, fisikotasuna eta espazioa.
Ez dira prozesu eskultorikoaren mende dauden piezak: ez dira bozetoak, ezta geroago garatu nahi diren eskulturen diseinuak ere. Irazuren marrazkiak bere eskultore ibilbidearekiko paraleloak dira eta eskulturaren ezaugarriak dituzte.
Pieza hauek marrazkitzat hartzen ditugu, haien euskarriagatik batez ere, hots papera. Baina irudikatzen denaz harantzago begiratzera behartzen gaituzten teknika eta materialak daude bertan: itsatsitako paperak, kartoia, zinta itsasgarria eta beste elementu batzuk erabiltzean, bi dimentsiotako irudi bat baino zerbait gehiago bihurtzen dira. Materia- eta espazio-potentzialtasun handia duten errealitateen prozesu enbrionarioak dira.
Marrazki hauek, bere ibilbide hasieran gauzatu zituen. Hori dela eta, garai hartan egindako eskulturekin zenbait ezaugarri partekatzen dituzte. Horien artean aipatzekoa da esentzialtasunaren bilaketa forma arruntak erabiliz, baina naturara gerturatzen dituzten ezaugarri organikoen bidez garatuak. Horizontearen eskema gogora ekartzen duten konposizioak sortzean eta figura zoomorfoak erabiltzean, kolore pururik gabe, Irazuk natura eta paisaia kontzeptuak aipatu nahi zituen; lehen urtetako lanetan oso nabariak dira kontzeptu horiek.