Noli me tangere (Mesfidantza) [Noli me tangere (La desconfianza),2009], Beltza (Negra, 2006) eta Tolesa (Brillo) [Pliegue (Brillo), 2006] eta Sukuboa (Súcubo, 2008)

Iruzkinak

Noli me tangere (Mesfidantza) [Noli me tangere (La desconfianza),2009], Beltza (Negra, 2006) eta Tolesa (Brillo) [Pliegue (Brillo), 2006] eta Sukuboa (Súcubo, 2008)

Izenburua:: Noli me tangere (Mesfidantza) [Noli me tangere (La desconfianza),2009], Beltza (Negra, 2006) eta Tolesa (Brillo) [Pliegue (Brillo), 2006] eta Sukuboa (Súcubo, 2008)
Erakusketa:: Pello Irazu: Panorama
Gaiak:: Artea eta pertzepzioa | Euskal Eskultura Berria
Mugimendu artistikoak:: Minimalismoa
Artelan motak:: Argazkia | Eskultura
Aipatutako artistak:: Irazu, Pello

Obra multzo honek funtsezko ezaugarri bat du komunean: guztietan Pello Irazuk materialak manipulatu ditu zalantza sortzeko gugan, haien naturari eta ezaugarri fisikoei dagokionez. Artistak begiak eta eskuak antzematen duena zalantzan jartzen du hemen, ikusmena ukimenarekin kontrajarriz. Kanpoko mundua ezagutzeko moduari buruz hausnartzera gonbidatzen gaitu, kasu honetan, bere obrak, gure pertzepzio subjektibotik.

Berriro ere, marjinak eta elkarrengandik urrun dauden elementuen komunikazioa aipatzen ditu. Beharbada, horregatik, obra hauetako baten izenburua Noli me tangere da. Berriro ere, artistak Artearen Historiako gai klasiko bat izendatu ohi duen adierazpen latindarra erabiltzen du: Jesusek, berpiztu ondoren Maria Magdalenari bere alboan ez atxikitzeko eskatzen dion unearen irudikapenarena.

“Noli me tangere” esamoldeak “ez nazazu ukitu” esan nahi du. Haren adierazpen piktorikoan Maria Magdalenak eskua luzatzen zion Jesusi, hura harrapatzea lortu gabe. Artearen Historia ezagutzen dutenentzat, irudi hau latente dago izenburua ezagutzean eta pieza behatzean.

Pello Irazu: "Material bigunen eta beroen eraldaketa ematen da obran. Kasu honetan kartoizko xafla erraldoiak material gogor eta hotz bihurtzen dira. Irudiaren egoera birtualaren eta euskarriaren egoera materialaren arteko tentsioa sortzen da berriro ere. […]

– Pieza honekin, prozedura berdinarekin gauzatuta dauden beste batzuekin alderatuz, jendea harrituta gelditzen da, behatzailea harrituta gelditzen da, pentsatzen duelako benetan ez dela den modukoa. Pentsatu margotuta dagoela, kartoizkoa dela, ezin dela ukitu... Eta oso pieza zalantzagarria da, optikoki zein sentsorialki".

Beste pieza batek ere Artearen Historiako beste une garrantzitsu bat gogorarazten du, kasu honetan aro garaikideari dagokiona. Tolesa (Brillo) lanaz ari gara. Izenburuak Andy Warholen detergente kutxen lana aipatzen du.

Pello Irazu: "Kasu honetan, Warholen kutxak aipatzen dira, metafisikoez gain, kutxa mota desberdin gehiago daudela erakutsiz".

Artistak Oteizaren Kutxa metafisikoak gogorarazi nahi ditu.

BESTE ATALAK