Pello Irazu: Panorama
White St. (1992)
Bizitza formak 304 (Lifeforms 304, 2001)
Iruzkinak
Room under (1995)
- Izenburua:
- Room under (1995)
- Erakusketa:
- Pello Irazu: Panorama
- Gaiak:
- Artea eta espazioa | Artea eta pertzepzioa | Euskal Eskultura Berria
- Mugimendu artistikoak:
- Minimalismoa
- Artelan motak:
- Eskultura
- Aipatutako artistak:
- Irazu, Pello
Errealitatea lengoaia eskultoriko baten bidez irudikatzeak paradoxa batera eraman gaitzake: irudikatzen den objektuaren eta obraren arteko gehiegizko gertutasuna. Honek erbesteratzea sor dezake, bataren eta bestearen naturaren gaineko nahasketa. Eta aldi berean, artea, zerbait irudikatzeko lengoaia gisa erabiltzeari buruz hausnartzera gonbidatzen gaitu. Hau da Pello Irazuk 1990ko hamarkadan egindako lanean lantzen duen arazo nagusietako bat.
Artistak begirada aztertzen du gertu duguna eta identifikatzen gaituena eraikitzeko tresna gisa. Eta hausnarketa prozesu honetan arkitekturaren lengoaiako elementuak erabiltzen ditu ideia hauek espazioari eta geuk bertan hartzen dugun tokiari aplikatu ahal izateko, eskala eta tamaina moduko gaiei garrantzia emanez.
Batzuetan, Irazuk eraikinen barruan kokatzen diren egitura arkitektonikoekin lan egiten du. Beste batzuetan eraikuntzarekin lotutako elementu ikonikoak erabiltzen ditu, obra honetan ikus ditzakegun adreilu-bilbeak bezala. Halaber, altzariko elementuekin jolasten du, pieza hau osatzen duten mahaia edo ispilua esate baterako.
Pello Irazu: "Room Under izeneko pieza honetan hau agerian gelditzen da, izan ere, eraikuntza bati (mahaia) gainjarritako adreiluzko egituren artean, material plastikoen gainean serigrafiatutako barrualde baten irudi baten zati bat agertzen da, material horietako bat, ispilua da, piezaren barruko ikuspegia islatzen duena".