Pello Irazu: Panorama
Gante (1988) eta Anaia txarrak (Bad brothers, 1989)
Itsu, gor eta mutu (Ciego, sordo y mudo, 1989)
Iruzkinak
Big brother (1988)
- Izenburua:
- Big brother (1988)
- Erakusketa:
- Pello Irazu: Panorama
- Gaiak:
- Artea eta espazioa | Euskal Eskultura Berria
- Mugimendu artistikoak:
- Minimalismoa
- Artelan motak:
- Eskultura
- Aipatutako artistak:
- Irazu, Pello
Irazuren lanean beti anbiguoak diren esanahiez haratago, artistak objektuaren natura espazioan hautemateko esperientzia sentsorial berriak sortzeko gaitasuna duten planteamendu formalekin esperimentatzen du.
Hori da pieza hauekin gertatzen dena, non bolumen prismatikoak kolorezko azalerei kontrajartzen zaizkien eta non Brancusi-tik minimalismora luzatzen den tradizio eskultorikoan, eskulturen integrazioa espazioan eztabaidatzea ahalbidetzen duten elementuekin lan egiten duen, idulkia esate baterako. Modu honetan, eskulturak gure egunerokotasunean dauden gainontzeko objektuei jarraitasuna emanez aurkezteko modua planteatzen du.
Big Brother laneko azpiko aldeak, kolore desberdin batekin aktibatuta, badirudi obraren idulkiari erantzuten diola. Baina, euskarria besterik ez da, edo eskulturaren zati bat da? Nola lotzen da eskulturarekin? Zein da bere rola aretoaren espazioan? Hauek dira artistak planteatzen dizkigun galderak.
Gainontzeko piezek ere antzerako galderak planteatzen dizkigute. Irazuk horman ezartzen ditu eskulturak, hauek lurrean edo idulki baten gainean kokatzearen tradizioari uko eginez. Masa oso pisutsuak bolumen txikietan, jasota edo zintzilikatuta, dentsitate materialaren eta kolorearen birtualtasun optikoaren arteko kontrasteak markatutako esperientzia espazial bizi batera gonbidatzen gaituzte.