Pello Irazu: Panorama
Room under (1995)
Acrobat (2000)
Iruzkinak
Bizitza formak 304 (Lifeforms 304, 2001)
- Izenburua:
- Bizitza formak 304 (Lifeforms 304, 2001)
- Erakusketa:
- Pello Irazu: Panorama
- Gaiak:
- Artea eta espazioa | Euskal Eskultura Berria
- Mugimendu artistikoak:
- Minimalismoa
- Teknikak:
- Marrazkia
- Artelan motak:
- Eskultura | Horma-pintura
- Aipatutako artistak:
- Irazu, Pello
Euskadira itzuli zenean 2000. urtean, Pello Irazuk Iruñeko Moisés Pérez de Albéniz aretorako proiektu bat diseinatu zuen. LifeForms edo Bizitza formak izena du eta diziplina desberdinak biltzen ditu: horma-pintura, marrazkia, eskultura... Geroago Guggenheim Bilbao Museoak bertako areto baten esku hartzeko gonbidapena luzatu zion artistari.
Pello Irazu: "Guggenheim Bilbao Museoak beraientzako proiektu bat egiteko aukera eskaini zidanean, hainbat areto erakutsi zizkidan eta 304. aretoa aukeratu nuen. Aurreko planteamendua egokitu nuen bertara. Baina antzerako elementuak erabili nituen arren, baldintza arkitektonikoek guztiz eraldatu zuten emaitza. 304. aretoa aukeratu nuen, haren horma okerrek eraikinaren egitura orokorrera bidaltzen gaituztelako. Hormak ez dira abstraktuak, eraikinaren azken adierazpenari dagokie".
Aspektu honek interes berezia du proiektuan, Irazuren helburua eraikinaren arkitektura azpimarratzea baitzen, espazioan esku-hartuz: horma-pinturaren bidez, baina baita hiru dimentsiotako objektuen bidez.
Kasu honetan, obra Museoko beste areto batean dago ikusgai, arkitekturarekin elkarrizketa berri bat ezarriz. Lerro urdinak paisaia bateko konposizio klasiko batean horizonteak duen funtzio bera du: irudi paisajistikoa eraikitzen du, eta aldi berean, ikuslearen begiradaren gidaria da. Horma oker honi gainjartzean, dinamismo mezu bat jaurtitzen du, lerro hori jarraitzera bultzatzen du bisitaria, gainontzeko elementuetan zehar mugitzeko. Horrela, artistak bere esku-hartzearekin ikusgarritasuna ematen dio Museoaren egitura arkitektonikoari eta gure begiradaren aurrean agertzen da berriro ere artelanen protagonismoaren aurrean normalean ezkutatuta gelditzen den espazio immaterial hori. Gainera Irazuk, instalazioko objektuak elkarri erlazionatutako lengoaia bereko zeinuak balira moduan interpretatzera gonbidatzen gaitu, beren tokia edukitzeko borrokan baleude moduan: beraien artean erresonantziak daude, oihartzun formalak, eta kolore berdinak azalera desberdinetan erreproduzitzen dira.