Frank Gehry, arkitektoa
New Yorkeko Guggenheim museo berria, New York, 1998–
Iruzkinak
Sarrera
- Izenburua:
- Sarrera
- Erakusketa:
- Frank Gehry, arkitektoa
- Gaiak:
- Sorkuntza artistikoa | Argia | Espazioa | Mugimendua
- Mugimendu artistikoak:
- Arte Garaikidea
- Teknikak:
- Marrazkia
- Artelan motak:
- Argazkia | Arkitektura | Eskultura
- Aipatutako artistak:
- Gehry, Frank
Ongi etorri Frank Gehry, arkitektoa erakusketara, arkitektura garaikidearen irudi paregabeenetakoa den arkitekto honi eskainitakoa.
Frank Gehryren eraikin eskultorikoak argiari, espazioari eta mugimenduari egiten zaion benetako omenaldia dira. Grazia arinez eta umore sotilez, bere obra ahalmentsua tradizioari, grabitateari eta munduan nagusi diren kode arkitektoniko bakoitzari desafio egiten ari zaiela ematen du. Oso bizkor sortzen ari den aro globalizatzaile honen erdian, bere arkitekturak ez du mugarik.
Lau hamarkada baino gehiago barne hartzen dituen atzera begirako erakusketa honek arkitekto honen obra ikonoklasta sakonean ezagutzeko aukera ematen digu marrazki, plano, maketa, altzarien diseinu, argazki eta bide ugariren bidez.
Entzuteko gida honetan Ameriketako arkitekto famatuenetako baten aipamenak entzungo dituzu, Philip Johnson-enak alegia, bai eta Frank Gehry berarenak ere, itxuraz pentsaezina dena errealitate bihurtzen duen moduaz hizketan arituko zaiguna.
Bisitaldi honetan zehar zenbaki batez identifikatuak dauden informazio-guneetan gelditu ahal izatea da gida honen helburua, betiere ezarritako arau bati jarraitu gabe. Informazio-gune gehienek eskalan egindako maketak, marrazkiak, planoak eta argazkiak erakusten dituzte. Narrazioa entzuten ari zaren bitartean horiek denak arretaz begiratzea gomendatzen dizugu.
Bisitaldiaz gozatuko duzulakoan gaude.