Frank Gehry, arkitektoa
Walt Disney auditorioa, Los Angeles, Kalifornia, 1987–
Guggenheim Bilbao Museoa, Espainia, 1991–7
Iruzkinak
Experience Music Project, Seattle, Washington, 1995–2000
- Izenburua:
- Experience Music Project, Seattle, Washington, 1995–2000
- Erakusketa:
- Frank Gehry, arkitektoa
- Gaiak:
- Artea eta espazioa | Artea eta gizartea | Artea eta kultura | Sorkuntza artistikoa | Denbora | Forma | Gainazala | Kolorea | Materiala | Mugimendua | Rock and Roll
- Artelan motak:
- Arkitektura
- Aipatutako artistak:
- Gehry, Frank
Washingtoneko Seattle hiriko Experience Music Project rock musikaren historiari egindako omenaldia da, eta hiri honetan jaioa zen Jimi Hendrix gitarrajole legendarioaren legatua. Lotsagabea, begiarentzat nabarmena eta oso bitxia da. Izan ere, eztabaida eta interes handiena piztu duten Frank Gehry-ren eraikinetako bat da.
Proiektu honen bezeroetako bat Paul Allen izan zen, Microsoft-en sortzaileetako bat, gitarrajole amateurra eta Hendrixen jarraitzaile porrokatua. Eraikitako multzoak handitasun handiagoa hartzen du bere inguruari esker: 1962ko Erakusketa Unibertsala egin zeneko Seattle Center feriaren giro futurista, Space Needle-ren eta jolas-parke karrankari baten itzalean.
Seattle-eko tren errailbakarrak, aipatutako Erakusketa Unibertsalaren erlikiak alegia, eraikina zeharkatzen du aldi berean dibertigarria eta futurista den atzeraindarra sorraraziz. Barruan, Gehryk eta bere taldeak publikoarentzako inguruko guneak diseinatu zituzten: atondoa, leihatilak, liburu-denda eta jatetxea. Gainerakoa aldi baterako erakusketak egiteko biluzik dagoen espazio bat da, biltegi antzeko bat.
Eraikinaren kanpoaldea altzairu herdoilgaitzezko eta aluminiozko 4.000 sekzio baino gehiagorekin eraikia dago. Forma eskultorikoak eta aerodinamikoak kurbatu eta uhindu egiten dira erabat apurtua dagoen Fender Stratocaster gitarran inspiratutako utzikeria abstraktu batean. Sabaiko beirazko zerrendek gitarraren lokarriak eta trasteak gogorarazten dizkigute eta egitura guztiak inguruan dagoen mendi errusiarrarekin erritmoak trukatzen arituko balitz bezala ematen du. Gorriz margotu den parteari dagokionez, Gehryk kolorea gutxika galtzea espero du kamioneta zahar baten tonua hartu arte.