Frank Gehry, arkitektoa
Vitra International altzari-fabrika eta diseinuaren museoa, Weil Am Rhein, Alemania, 1987–9
Nationale-Nederlanden eraikina, Praga, Errepublika txekiarra, 1992–6
Iruzkinak
Arrain-eskultura, Hiri Olinpiarra, Bartzelona, Espainia, 1989–92
- Izenburua:
- Arrain-eskultura, Hiri Olinpiarra, Bartzelona, Espainia, 1989–92
- Erakusketa:
- Frank Gehry, arkitektoa
- Gaiak:
- Artea eta teknologia | Sorkuntza artistikoa | Forma | Lan-prozesua | Tamaina
- Artelan motak:
- Eskultura
- Aipatutako artistak:
- Gehry, Frank
1992an Bartzelonan izan ziren Joko Olinpikoak Frank Gehry-ren metalezko arrain azefaloaren hondoko oihala izan ziren. Denden eta jatetxeen merkataritza-guneari azken ukitua emateko diseinatu zuen arraina, arkitekto kanadar honena izanik baita ere merkataritza-gunearen diseinua. Merkataritza-gunea proiektu handiago baten barruan integratua dago, bertan biltzen direlarik hotel handi bat, bulegoak eta apartamentuak, hain zuzen ere Chicagoko Skidmore Owings & Merrill bulegoan lan egiten duen Bruce Graham-en diseinua.
Ia 35 metroko altuera eta 36 metroko luzera duen arrain hau oso epe laburrean sortu behar izan zuen nahiko txikia zen aurrekontu batekin. Zaila izan zen kontratistei diseinu konplikatu horrek zuen zailtasuna azaltzea, baina zorionez James Glymph-ek, orain Gehryren bazkidea denak, CATIA izena zuen programa informatikoaren berri izan zuen, Frantzian Dessault Systèmes-ek garatua Mirage ehiza-hegazkinak diseinatzeko. Jakin-minez, Glymph Dessault-ekin eta IBM taldearekin aritu zen lanean programa diseinu arkitektonikorako tresna hobe ezina bilakatu nahian.
CATIA programaz baliatuz, Gehry eta bere kolaboratzaile-taldea gai izan ziren forma konplexuagoekin eta forma horiek itxuratzeko eta muntatzeko modu eraginkorragoekin saiakuntzak egiteko. Eskultura erraldoi honetarako eredu digital bat sortu zuten, diseinua garatzeko, egitura aztertzeko eta arrainak behar zituen osagai guztiak eta bakoitzak balioko zuena kalkulatzeko. Ondoren, zuzenean kontratistei bidali zizkieten artxibo digitalak, bai eta ordenagailuz kontrolatutako makinetara ere, materialak moztu, zulatu eta konformatzeko.
Arraina bederatzi hilabete eskasetan diseinatu eta eraiki zuten, garaiz eta aurrekontua gainditu gabe. Eskultura hau sortzen lagundu zuen teknologia aukeraz betetako mundu berri bat izan zen Frank Gehryrentzat.