Frank Gehry, arkitektoa
Arrain-lanparak, 1983–6
Peter B. Lewis eraikina, Weatherhead Kudeaketa-Fakultatearena, Case Western Reserve University, Cleveland, Ohio, 1997–
Iruzkinak
Performing Arts Center, Bard College, Annandale‑On‑Hudson, New York, 1997–
- Izenburua:
- Performing Arts Center, Bard College, Annandale‑On‑Hudson, New York, 1997–
- Erakusketa:
- Frank Gehry, arkitektoa
- Gaiak:
- Artea eta espazioa | Artea eta hezkuntza | Artea eta kultura | Sorkuntza artistikoa | Argia | Espazioa | Gainazala | Materiala | Mugimendua | Soinua | Tamaina
- Artelan motak:
- Arkitektura | Eskultura
- Aipatutako artistak:
- Gehry, Frank
Erakusketa honetan ikusgai jarritako proiektu batzuk oraindik ere erabateko garapen-prozesuan daude. Egitura horietako askok tamaina ikaragarria izan arren eta hirigune handietan kokatzeko pentsatuak egon arren, Frank Gehry-k gozamen handia hartzen du hain hiritarrak ez diren inguruneetarako eskala txikiagoko proiektuak burutzen. Adibide horietako bat Performing Arts Center-erako egin duen diseinua da, Bard College-n, New Yorkeko estatuaren iparraldean dagoen campus txiki eta bukoliko batean, hain zuzen.
Fakultateak arte eszenikoetarako espazio bat eraikitzeko eskatu zion Gehryri, zehatzago esanda, musika-, antzerki- eta dantza-ikuskizunetarako. Berak eskainitako soluzioa bi espazio bereizi diseinatzea izan zen; bata txikia eta intimoa, eta beste handiago bat, ekitaldi handiagoetarako.
Esparru txikienak berrehun lagunentzako edukiera du. Zur kontratxapatuz estalitako barrualde soila, mugitu daitezkeen eserlekuekin, funtzio anitzak betetzeko lekua izango da: zinema-proiekzioetatik hasi eta dantza-ekitaldietaraino. Esparru handiagoak mila ikuslerentzako lekua du. Akustika egokia lortzeko, Gehryk barrualdean hormigoia erabiltzea erabaki zuen eta zurezko xaflak erantsi zituen eserlekuen ilara bakoitzean, bizitasunez beteak mugitzen direlako itxura dutelarik.
Hormigoizko kanpoalde sinplea forma eskultorikoak dituzten panel albokari handi batzuek estaltzen dute bai eta leundutako altzairu herdoilgaitzezko markesina batek ere. Markesinak agerian uzten du berau eusten duen egitura eta Guggenheim-eko terraza estaltzen duenaren antzekoa da. Bard-eko atzealdean kokatua dagoen argi-zulo batek argi naturalez beteko du atondoa. Altzairua erabiltzea aukeratzearen arrazoia, neurri batean, eraikinaren inguruan dauden zuhaitzak bertan islatu nahi izan duelako izan da. Horrela, artistak kanpoaldeko diseinuaren elementu bihurtzen du ingurune naturala.