Frank Gehry, arkitektoa
Winton gonbidatuentzako etxea, Wayzata, Minnesota, 1982–7
Arrain-eskultura, Hiri Olinpiarra, Bartzelona, Espainia, 1989–92
Iruzkinak
Vitra International altzari-fabrika eta diseinuaren museoa, Weil Am Rhein, Alemania, 1987–9
- Izenburua:
- Vitra International altzari-fabrika eta diseinuaren museoa, Weil Am Rhein, Alemania, 1987–9
- Erakusketa:
- Frank Gehry, arkitektoa
- Gaiak:
- Artea eta industria | Esperimentazio artistikoa | Sorkuntza artistikoa | Sormena | Argia | Espazioa | Forma | Materiala | Mugimendua | Tamaina
- Artelan motak:
- Arkitektura | Eskultura
- Aipatutako artistak:
- Gehry, Frank
Laurogeiko hamarkadaren bukaera aldera, Frank Gehry-k museo txiki bat eta alboan fabrika bat diseinatu zituen Vitra International altzarien enpresarako. Enpresa hau Weil am Rhein-en dago, Alemanian, Suitzako eta Frantziako mugatik gertu. Europako bere lehenengo proiektua izan zen hura.
Garai hartan, inguruetan Nicholas Grimshaw-k diseinatutako fabrika bat zegoen, Claes Oldenburg-en eta Coosje van Bruggen-en eskultura bat kanpoan zuena. Bi artista haiek izan ziren Gehry eta jabea harremanetan jarri zituztenak. Izan ere, beranduago, jabeak berak museo txiki bat eraikitzeko proposatu zion arkitektoari, bertan osatzen ari zen XIX. mendearen bukaerako eta XX. mendearen hasierako aulkien bilduma ikusgai jartzeko asmoz. Kalifornian Gehryren enpresak proiektua gaitzetsi zuenean xumeegia zelako, hasierako ideiari fabrika baten eraikuntza gehitu zioten.
Fabrika laukizuzen sinple eta funtzional bat da, estukoz estalia, eta arkitekto kanariarrak arrapalak eta eskulturak ematen duten bi markesina gehitu zizkion sarreran. Bi “liburu-euskarri” dinamiko antzekoak dira, fabrikaren bi muturretan kokatuak, eta fabrikatik ehun bat metrotara dagoen eta tamaina txikiagoa duen museoaren eraikina begiratzera eramaten zaituen lotura bisual bat osatzen dute. Harri-horma gaineko igeltsu zuri soilez estalitako forma eskultoriko horien goialdean zinkezko panel inklinatuak ezarri zituen Gehryk.
Vitra Chair Museum-ean, metala sabaian eta igeltsua hormetan, horrek dakartzan muga guztiekin, erabiliz gero, hau da, benetako konbentzionalismoez baliatuz, eraikin interesgarria sortu ote nezakeen jakin nahi nuen.
Barrualdeko aretoetako bakoitzak argi naturala sartzeko argi-zuloak ditu goialdean eta, tamaina eta forma desberdinekoak dira. Gehryk diseinurako tresna eta marrazketarako teknika tradizionalez baliatuz eraiki zituen, baina museo txiki honen uhin antzeko lerroek eta silueta dibertigarriek askoz ere arriskutsuagoak izango ziren obrak iritsiko zirela iragartzen zuten jadanik.