Anselm Kiefer
Erakusketari buruzko sarrera orokorra
Bakarrik haizearekin, denborarekin eta soinuarekin (Nur mit Wind, mit Zeit und mit Klang), 1997
Iruzkinak
Atrioko balkoiko pintura monumentala, 2. solairuan. Aurrera doan lana
- Izenburua:
- Atrioko balkoiko pintura monumentala, 2. solairuan. Aurrera doan lana
- Erakusketa:
- Anselm Kiefer
- Gaiak:
- Artea eta literatura | Eragin artistikoa | Sorkuntza artistikoa | Tamaina | Paisaia | Guggenheim Bilbao Museoa | Tradizioa | Natura | Poesia | Frank Gehry | Paul Celan | Inskripzioak
- Artelan motak:
- Kokapen zehatzerako artea | Pintura
- Aipatutako artistak:
- Kiefer, Anselm
Pintura monumental hau espazio honetarako propio sortua da, Frank Gehry-k diseinatutako museoaren atrioan jartzeko, alegia. Inguratzen duen arkitekturak bezalaxe, margolan honek gorantz egiten du eta zuzenean bere goiko aldea begiratzera behartzen du ikuslea, baita eraikinaren altuera gorenera ere.
Paisaia-pintura bat da —Kiefer-en eskala handiko lan ugari bezala—. Eta neurri handi batean tradizionala izan arren —lurra, ostertza eta zerua erakusten dituelako, hain zuzen ere— Kieferrek paisaia oso ikuspegi erradikala eta bereziarekin interpretatzen du. Neguko eszena atsekabegarri bat da, soro mortuak agertzen direnekoa, hostoak galdu dituzten zuhaitz-adarrekin. Eta gainean, susmo txarra hartzen diogun zeru goibelaren handitasuna ageri da hodeiz betea. Zerua zeharkatuz eskuz idatzitako testu batzuk agertzen dira – Paul Celan-en olerkien errenkadak dira, besteak beste, SeptemberKrone eta Engführung edo Sommerbericht olerkienak. Honela dio batek:
Bazetorren, bazetorren.
Bazetorren hitza,
gauean zehar zetorren,
distira, distira eman nahi zuen.
Errautsa.
Errautsa, errautsa.
Gaua.
Gaua-eta-gaua. Begiruntz doa,
bustirantz.
Begiruntz doa,
bustiruntz, garaien sorburuetatik,
partikulen zurrunbiloa, gainontzekoa,
zuk
jakin badakizu, guk,
liburuan irakurri genuen, ustea
zen.
Ustea zen,
zen. Nola
heldu genuen
elkar hauekin—
esku
hauekin?
Kieferrek artearen tradizio historikoaz baliatu nahi izaten du, irudiekin batera koadroetan hitzak gehituz adibidez; izan ere, pinturan testuak gehitzearen tradizioa oso sustraitua dago Erdi Aroko artetik gaur egungo arteraino.