Anselm Kiefer
Gau-ordena ospetsuak
Loredun liburuei buruzko azalpen orokorra: 105 aretoa (Paul Celan-i buruzko obrekin)
Iruzkinak
La Vie Secrète des Plantes – Landareen ezkutuko bizitza
- Izenburua:
- La Vie Secrète des Plantes – Landareen ezkutuko bizitza
- Erakusketa:
- Anselm Kiefer
- Gaiak:
- Artea eta literatura | Artea eta zientzia | Eragin artistikoa | Sorkuntza artistikoa | Materiala | Sinbologia | Kosmologia | Landareak | Christopher Bird | Peter Tompkins | Robert Fludd | Traszendentzia | Inskripzioak | Astronomia | Izarrak | Zerua
- Artelan motak:
- Pintura
- Aipatutako artistak:
- Kiefer, Anselm
Lan-sorta hau 2001ean eta 2002an sortu zuen, eta landareen sustraiekin, zurtoinekin eta hostoekin egina dago, izarren eta galaxien irudien gainean ipiniak. Izarrekin batera, NASAk eman dien identifikazio-zenbaki ofiziala agertzen da sarritan. Naturari, memoriari eta lurraren historiari buruzko meditazioak dira – landareen eta kosmosaren ordenaren arteko lotura aztertzeko.
Kiefer-ek izarrak eta mapa astronomikoak irudikatzen dituzten obra ugari sortu izan ditu. Asko interesatzen zaio gaueko zeruari buruz historian zehar egin izan diren interpretazioak: zeruko erresuma misteriotsua da, gure sorburuak eta gure halabeharra gogorarazten dizkiguna. Landareak lurraren sorreraren sinbolo dira beretzat, eta, izan ere, basoek eta landareek “ezkutuko ezagutzak bilduak izan ditzaketela” esan izan du.
Lan hauen titulua – Landareen ezkutuko bizitza – 1973an argitaratutako liburu batetik hartua da. Peter Tompkins-ek eta Christopher Bird-ek idatzi zuten, eta landareen izaera sentikorra eta, zientziak ez bezala, gure munduko misterioei erantzuteko duten gaitasuna aztertu zituzten bertan. Ideia honek XVII. mendean du bere jatorria, Robert Fludd filosofo eta okultista ingelesak aztertzeari ekin zionean. Haren ustez, lurreko landare guztiek izar baliokidea dute ortzian, eta lotura dago munduko mikrokosmosaren eta ortziko makrokosmosaren artean.