Anselm Kiefer

Iruzkinak

Bertako obrei buruzko azalpen orokorra

Koadro hauetan gaueko zerua da nagusi – izarren mapak dira, harrizko egitura bitxiak behean dituztela. Kiefer-i lilura handia eragiten diote izarrek eta gaueko zeruaren interpretazio historikoek, “zeruko erresuma” misteriotsuak, alegia.

Koadro hauek Kieferrek bisitatu zuen leku batean inspiratuak daude –Jaipurko Jantar Mantar behatokian, Indiako iparraldean –. Bertan, forma arkitektonikoekin eraikitako astronomiako tresna berezi ugari daude ikusgai. Eta tresna horietako asko hemen irudikatu ditu Kieferrek – eguzki-ordulariak, adibidez, eta eskailerak. Behatokia Jai Singh Maharajak eraiki zuen 1720ko urteetan – garai hartako Indiako astronomo gailenenak. Singhek astronomian eta astrologian jardun zuen: bere instrumentuekin izarren mapak egin, denbora neurtu eta zodiakoa behatzen zuen urtean zehar.

Begiratu Eridanus izeneko koadroa: hemen agertzen den tenplu itxurako eraikin zirkularra eguzki-ordulari erraldoi bat balitz bezala erabili zuten eguzkiaren posizioa neurtzeko. Aurigaren bi aurpegi biribilak ere harea ordulari sofistikatu batean daude inspiratuak, ipar-hemisferioaren eta hego-hemisferioaren artean eguzkiak urtean zehar egiten duen ibilbidea jasotzen zuena.

Eraikin guztien gainean Kieferrek bere izar-mapa egin du –dagokien izenak eta NASAk eman dizkien astronomiako zenbakiak margotuz. Kieferrentzat, gaueko zerura begiratzea denboran atzera begiratzeko modu bat da. Eta artea eta zientzia elkartzeko modua:

“…Guztia irudipena da,” dio:

“Konstelazio guztiak … irudipena dira. Ez dira existitzen. Orain ikusten dugun argia... bilioika urte lehenago emititzen zen… Beldurtuak gaude eta, beraz, munduari zentzuren bat bilatzeko premia sentitzen dugu. Ezin dugu jasan gure adimenean zeruaren irudirik gabe.

“…[zientzialariek] ere zerua aurkitu nahi zuten…. Haien izarrak, koadroetan lekua aurkitzen duten oroitzapen-atalak bezala dira”.