Anselm Kiefer
La Vie Secrète des Plantes – Landareen ezkutuko bizitza
Aschenblume, 2006
Iruzkinak
Loredun liburuei buruzko azalpen orokorra: 105 aretoa (Paul Celan-i buruzko obrekin)
- Izenburua:
- Loredun liburuei buruzko azalpen orokorra: 105 aretoa (Paul Celan-i buruzko obrekin)
- Erakusketa:
- Anselm Kiefer
- Gaiak:
- Ibilbide artistikoa | Sorkuntza artistikoa | Materiala | Beruna | Sinbologia | Tamaina | Kosmologia | Ingurunea eta natura | Eguzki-loreak | Loreak | Liburuak | Paul Celan | Dualtasuna
- Artelan motak:
- Eskultura
- Aipatutako artistak:
- Kiefer, Anselm
Areto honetan tamaina handiko hainbat liburu topatuko dituzu, eta hain handiak ikusita barruan gaudela eta inguruan gabiltzala imajina ditzakegu geure buruak. Lehortutako eguzki-lore erraldoiak agertzen dira orrien artean, oso gora iristen direnak.
1990eko urteetan Kiefer Alemania atzean utzi eta Proventzara bizitzera eta bertan lan egitera joan zen garaikoak dira lan hauek. Azken hamar urteetan lan berriak jorratzen hasi da, naturari eta kosmosari buruzko ideia unibertsalagoak, alegia. Eta botanikako benetako elementuak erabiltzen hasi da – lore hauek adibidez – baita haziak ere. Hemen, haziak orrialdeetan zehar sakabanatuak daude konstelazio eta galaxia txikiak eratuz.
Liburuak garrantzi handikoak izan dira Kieferren lanean, bere ibilbide artistikoa hasi zuenetik. Benetako liburuak egin izan ditu, baina baita liburu paradoxikoak ere, hauek esaterako. Liburuak zabalduak egon arren ezin dira orriak pasatu. Eta liburu ‘astunak’ dira, ez ordea hori ulertu ohi dugun zentzuan —informazio serioa biltzen dutelako. Berunez eginda daudelako dira astunak; eta, izan ere, astunegiak dira pertsona batek jasotzeko.
Kieferrek 10 urte zituela egin zuen bere lehenengo liburua. Eta etengabe jarraitu du irakurtzen hainbat eta hainbat gairi buruz:
“Jendeak dio asko irakurtzen dudala,” dio berak,
“baina ez dut hainbeste irakurtzen. Irudiak jasotzeko adina irakurtzen dut. Kontakizuna irudi bihurtzen den arte irakurtzen dut. Gero, irakurtzeari uzten diot. Ez naiz gai pasarte bat hitzetan esateko, bai, ordea iruditan emateko”.