Anselm Kiefer
Eguzki-ontzia, 1984-95 (Guggenheimen Bilduma Iraunkorrekoa)
La Vie Secrète des Plantes – Landareen ezkutuko bizitza
Iruzkinak
Gau-ordena ospetsuak
- Izenburua:
- Gau-ordena ospetsuak
- Erakusketa:
- Anselm Kiefer
- Gaiak:
- Gizakia | Sorkuntza artistikoa | Erretratua eta autorretratua | Paisaia | Espiritualtasuna | Kabala | Autoezagutza | Introspekzioa | Traszendentzia | Izarrak | Zerua
- Artelan motak:
- Pintura
- Aipatutako artistak:
- Kiefer, Anselm
Kiefer-en autorretratua da hau – irudi bakarra, eremu idor eta zartatu batean etzanda, berealdiko gau izartsua goian duela. Kieferren obran behin eta berriro agertzen den gaia da –bere burua artista eta gizaki arrunt gisa aurkeztea– gizabanakoa unibertsoaren zabaltasunaren aurka. Irudiak izarren azpian atseden hartzen duenaren harridura islatzen du. Baina, interpretazio iluna ere egin genezake – gertaera izugarri eta apokaliptiko baten ondoren Kieferren irudia lurrean geratzen den gizaki bakarra balitz bezala ikustea, alegia.
Kieferri lilura handia eragiten diote gaueko zeruak eta historian zehar hartu izan dituen esanahi desberdinek – zeruko erresuma misteriotsua, gizakiaren zoria ‘izarretan idatzia’ dagoelako ustea.
Ortzia zeruaren gainean dagoen lekua dela dioen ideia Kabalaren testu mistikoetan ere ageri da – Kieferri gehien interesatzen zaion gaietako bat. Antzinako praktika kabalistikoek guda-gurdi baten irudia erabiltzen zuten, meditaziorako bide gisa. Gurdiak ‘zeruko zazpi jauregietatik’ eramaten zaitu – espiritualtasun jainkotiarra irudikatuz –. Eta Kieferren esanetan, horrek badu beste esanahi bat ere: “geure buruetan barrena bidaiatzea, geure buruak ezagutzearren”.
“Espiritualtasuna”, dio, “ezagutza zaharrago batekin konektatzea da eta zerua bilatzera bultzatzen gaituen arrazoi horietan jarraitasuna aurkitzen saiatzea. Zerua ideia bat da, antzinako... ezagutzaren atal bat”.