Brancusi–Serra
Richard Serra, Zirkuitua-Bilbo (Circuit-Bilbao), 1972
Richard Serra, Ondorioaren ondorioa (The Consequence of the Consequence), 2011
Iruzkinak
Constantin Brancusi, Gorputz-enborra (Gorputz-enbor baten zatia) [Torse (Fragment d’un torse)], 1909–10
Gorputz-enborra (Torse), 1912
- Izenburua:
- Constantin Brancusi, Gorputz-enborra (Gorputz-enbor baten zatia) [Torse (Fragment d’un torse)], 1909–10
Gorputz-enborra (Torse), 1912 - Erakusketa:
- Brancusi–Serra
- Gaiak:
- Emakumea artean | Giza gorputza | Artea eta espazioa | Artea eta emozioa | Eragin artistikoa | Sorkuntza artistikoa | Gainazala | Materiala
- Artelan motak:
- Eskultura
- Aipatutako artistak:
- Brancusi, Constantin
Marmolezko eskultura horiek emakumezko gorputz-enborraren irudia dira. Kontraste handia nabari da emakume baten izter leun eta distiratsu baten zati baten eta eskulturaren barrualdearen itxura zakarraren artean. Urrunduz gero, artelanaren ingurutik bazabiltza, lehenengo begiratuan landu gabeko zati bat dutela irudituko zaizu. Baina gertuagotik begiratu eta orduan konturatuko zara eskultorearen prestakuntza-lanak direla. Eraiki izan diren moduagatik, gorputz-enbor hauek eskultura handiago baten abarrak izan litezke. Pentsatzeko modukoa da aztarnategi arkeologikoren batean aurkitutako erlikiak direla. Brancusiren gorputz-enborrek eskultura bat egiteko moduaz gogoeta egitera bultzatzen gaituzte: eskultorea da forma ematen eta zizelatzen duena, marmol-bloke itxuragabe batetik forma antzemangarri bat sortzen duena. Rol espiritual antzeko bat betetzen du, kaosetik ordena sortzen baitu.
Brancusi ez zen gorputz-ataletan arreta jarri zuen bakarra. Auguste Rodin-ek ere gorputz-enborraren hainbat eskultura egin zituen, enborra garrantzitsua eta espresiboa zelakoan. Ez zuen horrenbesteko interesik besoak eta hankak irudikatzen. Brancusirentzat, ordea, gorputz-adar horiek berebiziko balioa zuten. Giza gorputzaren zati txiki batean arreta jarriz, lan askoz ere iradokigarriak egin zitzakeen.