Brancusi–Serra
Constantin Brancusi, Haurra munduan, talde mugikorra (L’enfant au monde, groupe mobile), 1917
Constantin Brancusi, Adam eta Eva (Adam et Eve), 1921
Iruzkinak
Constantin Brancusi, Sorgina (La sorcière), 1916–24
Atari-txakurra (Chien de garde), 1916
- Izenburua:
- Constantin Brancusi, Sorgina (La sorcière), 1916–24
Atari-txakurra (Chien de garde), 1916 - Erakusketa:
- Brancusi–Serra
- Gaiak:
- Artea eta espazioa | Sorkuntza artistikoa | Gainazala | Geometria | Kolorea | Materiala | Herri-kultura
- Artelan motak:
- Eskultura
- Aipatutako artistak:
- Brancusi, Constantin
Aurrean duzuna intxaurrondo zur zati bat da; irudi geometrikoak nabarmenak dira. Askotan pentsatu izan da artelan hau hegan doan sorgin txanodun baten irudia dela: Errumaniako kondairetako pertsonaia batena, alegia. Baina ez dakigu ziur hori izango ote zen Brancusiren asmoa; ez zitzaion gustatzen bere lanen iturriak jakitera ematea.
Akabera zoragarria eta tonu finak dituen eskultura hau kareharrizko zilindro baten gainean dago ezarria. Beherantz begiratuz gero, kontraste nabarmena antzemango duzu kolore gorri bizia duen zuraren, harri argiaren eta testura zakarra duen haritzezko euskarri ilunaren eta zizelatuaren artean. Azken hori, haritzeko euskarria, Atari-txakurra lana da. Zurezko oinarri hori garrantzizkoa da, eskultura ikusten dugun modua aldatzen baitu: margolanen markoa bezala, lanaren eta horretatik at dagoen eguneroko munduaren arteko muga antzeko bat da. Oinarri hau eskultura batean baino gehiagotan erabili zuen Brancusik.