Brancusi–Serra
Constantin Brancusi, Erregeen erregea (Le roi des rois), ca. 1938
Iruzkinak
Constantin Brancusi, Maiastra (Maïastra), 1911
Txoriak (Oiseaux), 1912–1930eko hamarkada
- Izenburua:
- Constantin Brancusi, Maiastra (Maïastra), 1911
Txoriak (Oiseaux), 1912–1930eko hamarkada - Erakusketa:
- Brancusi–Serra
- Gaiak:
- Artea eta espazioa | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Forma | Gainazala | Mugimendua | Proportzioa | Herri-kultura
- Artelan motak:
- Eskultura
- Aipatutako artistak:
- Brancusi, Constantin
Brancusiren txori-sailak gauzen muina aurkitzeko egindako bilaketa-lana hobeto ulertzen lagunduko digu. Txorien gaia hogeita hamar urtez baino gehiagoz jorratu zuen.
Parisen bizi bazen ere, Brancusik lotura estua gorde zuen jaioterri Errumaniako tradizioekin. Txori-itxura duten forma distiratsuen sail batek Maiastra izena du: Errumaniako elezaharretako irudia da hori, ahalmen miragarriak dituen urrezko txoria. Txoriak oinarrietan pausatzen direla dirudi; bularraldea puztua dute; lepoa tente-tente eta mokoa zabalik, kantuan baleude moduan. Maiastraren urre koloreko lumak iradokitzeko, material distiratsu islatzailea erabili du Brancusik. Lan honen bertsioetako bat kareharrizko bi blokeen gainean dago ezarrita. Beheko blokeak moko okertudun bi txoriren irudiak ditu zizelatuak; Musua lana dakarte gogora. Edward Steich-en argazkilariak eskultura hau eskuratu zuenean, Brancusik zurezko idulki luze bat egin zuen, eskultura gainean ipintzeko. Hala, lotura bat sortu zen txoriaren, lurraren eta zeruaren artean.
Brancusik gaia arakatu ahala, bere txoriak gero eta distiratsuago, finduago eta aerodinamikoago bilakatu ziren. Txoria espazioan sortu zuen garairako, 1930eko hamarkadarako, formak hegaldiaren esentzia irudikatzen zuela ematen zuen. Brancusik hauxe esan zuen:
“Azkenaldian sortu ditudan txoriek dituzte proportzio egokienak. Horrenbeste hurbildu naiz proportzio goren horietara, ni neu izateari uzteko gai izan naizela”.
Forma hegalari eta goranzko horren eragozpide bakarra azpian duen oinarria da; eskultura zorura ainguratzen du.