Brancusi–Serra
Constantin Brancusi, Musa lo (Muse endormie), 1910
Musa lo (La muse endormie), 1911
Richard Serra, Karta-gaztelua (House of Cards), 1969
Euskarriak (Props), 1969
Iruzkinak
Constantin Brancusi, Danaide (Danaïde), 1913
- Izenburua:
- Constantin Brancusi, Danaide (Danaïde), 1913
- Erakusketa:
- Brancusi–Serra
- Gaiak:
- Giza gorputza | Eragin artistikoa | Sorkuntza artistikoa | Forma | Gainazala | Geometria | Materiala | Mugimendua | Erretratua eta autorretratua
- Artelan motak:
- Eskultura
- Aipatutako artistak:
- Brancusi, Constantin | Serra, Richard
Erretratu fin eta estilizatu honetarako modeloa Margit Pogany izan zen, Brancusik 1910ean Parisen ezagutu zuen arte-ikasle hungariarra. Modeloa aurrean ez zuela egin zuen haren aurreneko burua, marmolezkoa. Brontze hau marmol hori oinarri hartuta egin zituen hainbat moldeetako bat da. Neska gaztearen aurpegi biribila, begi handiak, bekain lodiak eta ilea, motots batean lotua, oraindik ere antzeman ditzakegu lan honetan. Dena den, Brancusik erabat soildu zituen emakumearen hazpegiak. Buruan elementu formal bakarra gailentzen da: esfera. Bi arku ageri dira erdialdean, sudurra eta bekainak, eta txori baten itxura hartzen du buruak ia. Begiak ez dira ondo ezberdintzen; masailekin bat eginda daude, beharbada. Lepo luzearen akabera ez da leuna, eskultura handiago baten zati bat dela iradokitzeko. Garrantzi handiko aurrerapausoa izan zen lan hau artistarentzat: Brancusik forma soil bakar batean eman zituen hazpegiak. Eskulturak eta haren oinarriak Richard Serra-ren lanetan antzeman daitezkeen ezaugarriak dituzte. Serraren Karta-gaztelua eskulturak espiral baten goranzko mugimendua gogora ekartzen digu, gorantz egiten duen ardatz ikusezin baten inguruan ezarria balego bezala, Danaide lan honek bezala.