Brancusi–Serra
Constantin Brancusi, Sorgina (La sorcière), 1916–24
Atari-txakurra (Chien de garde), 1916
Constantin Brancusi, Erregeen erregea (Le roi des rois), ca. 1938
Iruzkinak
Constantin Brancusi, Adam eta Eva (Adam et Eve), 1921
- Izenburua:
- Constantin Brancusi, Adam eta Eva (Adam et Eve), 1921
- Erakusketa:
- Brancusi–Serra
- Gaiak:
- Generoa eta sexualitatea | Giza gorputza | Arte afrikarra | Artea eta umorea | Eragin artistikoa | Sorkuntza artistikoa | Materiala | Tamaina | Dualtasuna
- Artelan motak:
- Eskultura
- Aipatutako artistak:
- Brancusi, Constantin
Adam eta Eva zurezko eskultura handi bat da, hasiera batean bereizitako bi lan baziren ere. Goian, erdialdean, Brancusik emakume batenak diruditen formak zizelkatu ditu: eztiki biribildutako formak, ezpainak beharbada, buru bat eta ilea. Hala ere, kontraesana dago obran: zalantzarik gabe ezaugarri femeninoak ageri dira baina, era berean, oso maskulinoa da ere bai. Bularretatik lepo luze eta mehe bat goratzen da; konposizio falikoa funtsean. Goiko sekzio horren, Evaren, soslaiko irudiaren argazkia begiratzean, Afrikako artearen eragina antzemango duzu. Izan ere, Parisen, Afrikako artea nagusitu zen 1910eko hamarkadaren bukaeratik.
Eskulturaren behealdean beste erdia dago, sendoa eta maskulinoa: Adam. Haren forma angeluarrek goiko sekzioari eusten diote. Nagusi diren gizonezkoaren ezaugarriak apaltzen dira itxuraz emakumezko ile-xerlo luze baten eraginez, bizkarretik behera zintzilik dagoena.
Brancusik jarrera jostalariaz bat egiten ditu maskulinotasuna eta femeninotasuna, eta espero genuena hankaz gora jartzen du.